web counter
LEXO PA REKLAMA!

SHKARKO APP

App Store
Google Play

Zbardhen detajet/ Skandali i Bashës me të rinjtë demokratë në CDU

16 Tetor 2017, 09:27, Aktualitet CNA

Dje CityNews raportoi se kryetari i Partisë Demokratike, Lulzim Basha, kishte dërguar një delegacion të dytë te kongresi i të rinjve kristiandemokratë të kancelares gjermane Angela Merkel.

Një skandal politik, i padëgjuar më parë në historinë politike të PD-së, ku FRPD shkon në një delegacion zyrtar dhe kryetari i PD çon më pas një delegacion tjetër.

CityNews.al dje raportoi lajmin dhe sot po sjell detaje të reja se çfarë ka ndodhur vërtetë në kongresin e të rinjve kristiandemokratë. Mësohet se palët janë përplasur ashpër kur kanë gjetur njëri-tjetrin duke u futur në kongres. Të CDUçuditur delegacionet kanë kërkuar që sipas ftesës të kenë fjalën përshëndetëse.

E deleguara e Bashës, J.H. ka pretenduar se është ajo e deleguara nga Lulzim Basha dhe jo kryetari i FRPD-së, Belind Këlliçi dhe sekretari i marrëdhënjes me jashtë, Besart Xhaferri, të cilët ishin në fakt delegacioni zyrtar. Qëndrimet e ndara të palëve, të nxitur këto dhe me urdhër të kreut demokrat Basha janë vënë re dhe nga drejtuesit e aktivitetit.

Mësohet se Paul Ziemjak, kryetari i Junge Union, forumit rinor të CDU ka bërë foto të veçanta, pra të ndara me dy delegacionet. Pasi ka konstatuar ndarjen dhe qëndrimet krejtësisht larg njëri-tjetrit të dy delegacioneve, mësohet se kryetari i të rinjve kristiandemokrat gjerman ti ketë çuar një mesazh kryetarit të PD, Lulzim Basha, duke theksuar se çarja e PD-së paska shkuar shumë poshtë dhe me këtë frymë përçarje duket se demokratët nuk janë aspak në rregull.

CDU 1Skandali i ndodhur, me përplasjen e dy delegacioneve të FRPD-së me kristiandemokratët, të urdhëruar dhe zbatuar nga vetë Lulzim Basha është një rast i paprecedentë që tregon edhe një herë mentalitetin dhe qëllimet e vërteta të kryetarit të PD-së Lulzim Basha, i cili ka shkuar deri te përçarja e të rinjve demokratë./ CityNews





Lajmet e fundit nga