E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Debatet mes Kryemadhit dhe Ramës/ Motra e madhe me 13 motra është këtu

13 Tetor 2017, 10:43, Aktualitet CNA

Kryetarja e Lëvizjes Socialiste për Integrim, Monika Kryemadhi e ka nisur fjalën e saj në kuvendin e Shqipërisë duke ju referuar deklaratave të djeshme të kryeministrit Rama, i cili e cilësoi LSI-në si ?motrën? e përbashkët që ka me PD-në.

Duke ironizuar deklaratat e mëparshme të kryeministrit, Kryemadhi e ka cilësuar Edi Ramën si ?motra e madhe? me 13 motra të tjera pas.

?Po flas si motra e madhe, krimi e ka kapur këtë vend?Tollumbi i krimit po të hyri nuk të del më. Ata që për zgjedhje i përdori si miq e si shokë tavolinash sot të kërkojnë haraç?,- tha Kryemadhi.

Menjëherë ka reaguar kryeministri Rama, i cili shtoi se nuk do replikonte por thjesht ilustroi shembullin e arsyeve të dhimbjes së LSI-së.

Rama listoi një sërë pozicionesh të mbajtura nga LSI-ja ku binin në sy që profesionet nuk përputheshin me pozicionin e punës. ?Të punësuarit e partisë? Psikologë në vend të elektricistëve?,- tha Rama.

Pas replikës së Ramës, ka reaguar sërish kryetarja e LSI, duke u shprehur ?Kush flet për arsim më shkollëpaku, njeriu që urren librin dhe këndimin?.

?Pse ka frikë ky zotëria nga fotot? Po të jetë burrë thotë: po unë jam aty, nuk e dija që ishte në kërkim, kam dalë në fotografi, kërkoj falje. Po e ka ditur shumë mirë. Në fakt me erdhi keq, kur e pashë duke qarë që nxorri lotët, po ky është një aktor i madh.

?Ky do t?ju marri lotët edhe nënave që bandat ju kanë vrarë fëmijët. Ky kërkon ta kthejë Shqipërinë në një teatër eksperimental, ashtu siç janë këto projektet eksperiementale. Dje pamë se si oligarkët bënin protestë për TVSH-në, mos u çudisni shumë shpejt do të kemi bandat që do bëjnë protestë në shesh dhe do thonë poshtë shqiptarët, të largojmë shqiptarët. Mos u çudisni, shumë shpejt. Thotë pse ne paskemi hallin e krimit dhe flasim vetëm për krimin. Ta fillojmë me shëndetësinë? Të fillojmë me koncensionet? Kemi dhe Milvën këtu, e di shumë mirë ajo si e ka bërë dhe çfarë ka bërë. Do të shikojmë dhe këto të koncensioneve të shëndetësisë dhe do dalin në protestë dhe ato dhe do thonë: protestë që të vijnë shqiptarët të bëjnë check-upin! Këtë kemi ne, Shqipëri eksperimentale. Do të flasim për ekonominë? Të flasim për TVSH-në? Të flasim për taksat? Të flasim për rritjen e çmimeve? Apo të flasim edhe për sigurimin e detyruar të pronës, sepse vëllai i tij ndan apo jeton në shtëpinë e njërit që ka pronë kompani sigurimesh.

Pra vazhdojmë dhe jemi në funksion të oligarkëve. Doni të flasim për arsimin, ku ta kapim ku ta lëmë. Një tmerr, të flasim për policinë, për ça të flasim. Kemi hallin e tullumbave, ne fakt tullumbat janë të mira, nuk janë të këqija, ëmbëlsirë janë, por kam hallin për një tullumb tjetër i cili është shumë i rrezikshëm, është tullumbi i krimit i cili po hyri nuk del më sepse të mban peng dhe nuk të lëshon më kurrë. I përdori më 25 qershor si bodyguard, si ushtar, si miq ,si shok, si shok tavolinash dhe sot të kërkojnë haraç.

Dhe haraçi i tyre është përgjakja nëpër rrugët e Shqipërisë. Kur përmende pronësinë e fajit që ti e thua me fjalë të pahijshme si ato që përdor çdo ditë, më duket sikur flet Frojdi brenda vetes tënde, e përmende dy herë gjatë fjalimit tënd, që faji është, nuk e përmend se kam hall se më përjashton Gramozi. Qetësohu se e njohin të gjithë humbjen e qetësisë tënde kur të dridhet ty karrigia. Qetësohu sepse kur humb qetësinë Frojdi brenda vetes tënde të thotë gjëra të tmerrshme dhe shqiptarët do të mësojnë atë se çfarë ti je vërtet, atë që bashkëpunëtorët e tu e dinë më mirë se kushdo tjetër. ÇMENDURINË TËNDE!?- përfundoi fjalën e saj Kryemadhi./ CityNews