web counter
LEXO PA REKLAMA!

SHKARKO APP

App Store
Google Play

KLD reagon për lirimin e personit të kapur me 5 ton drogë

12 Tetor 2017, 13:31, Aktualitet CNA

Në një deklaratë për mediat Këshilli i Lartë i Drejtësisë ka reaguar lidhur me lirimin nga ambientet e paraburgimit të Rakip Arapajt, që u kap me 5 ton drogë në Llakatund të Vlorës.

KLD thekson se vendimin për lirim e ka dhënë gjyqtari Arqile Basho, ndërsa shton se ai tashmë ka probleme serioze me ligjin.

DEKLARATA E KLD-SË
Këshilli i Lartë i Drejtësisë ka ndjekur me vëmendje informacionet e transmetuara në median e shkruar dhe vizive mbi lirimin nga paraburgimi të shtetasit R.A të hetuar, në masë sigurie arrest me burg, për mbi 5 tonë lëndë narkotike në fshatin Llakatund, Vlorë, duke theksuar se vendimi gjyqësor për lirimin e tij, dhënë nga gjyqtari A.B. i Gjykatës së Rrethit Gjyqësor Vlorë, ka probleme serioze me ligjin.

Ne këto kushte, pasi u shqyrtuan paraprakisht të dhënat e transmetuara në media, si dhe kuadri ligjor në fuqi, konkretisht dispozitat e Ligjit nr. 96/2016 ?Për statusin e gjyqtarëve dhe të prokurorëve në RSH?, është çmuar se ka vend për verifikimin e rastit në fjalë. Inspektorati i KLD-së, ka filluar verifikimit për mbledhjen e të gjitha provave të nevojshme që hedhin dritë mbi faktet e ekspozuara në ankesën publike, duke i kërkuar Gjykatës së Rrethit Gjyqësor Vlorë paraqitjen e të gjitha vendimeve dhe procesverbaleve mbi procesin gjyqësor të zhvilluar ndaj të pandehurit R.A lidhur me caktimin e masës së sigurimit ?arrest në burg? dhe lidhur me lirimin e tij nga paraburgimi. Në vijimësi KLD, nisur edhe nga ndjeshmëria e madhe që ka çështja, do të bëjë publike rezultatet e dala nga monitorimi./ CityNews





Lajmet e fundit nga