web counter
LEXO PA REKLAMA!

SHKARKO APP

App Store
Google Play

Gazetarja sulmon Ramën / Ja statistikat që flasin kundër qeverisë

11 Tetor 2017, 15:37, Aktualitet CNA

Gazetarja Sonila Meço ka reaguar në lidhje politikat ekonomike të qeverisë “Rama 2”, teksa i quan ndjekja e logjikës në këto politika është një sport ekstrem.

Ajo ka komentuar Barometrin e Ballkanit në të cilin raportohet se në vitin 2015 donin të largoheshin nga vendi 38% e shqiptarëve, ndërsa dy vjet më pas përkatësisht në vitin 2017 plot 50% e shqiptarëve e shohin shpresën larg Shqipërisë.

“Të ndjekësh logjikën në politikat ekonomike të qeverisë shqiptare, është sport ekstrem. Shqiptarët do ta mbajnë mend mirë, si kjo qeveri i ka bërë të ndihen moralisht, financiarisht e shpirtërisht. Mjafton të lexosh sot Barometrin e Ballkanit, sipas të cilit në Shqipëri në vitin 2015 donin të ikin jashtë vendit 38% e shqiptarëve, ndërsa në vitin 2017, 50 për qind e tyre duan të lënë vendin për një perceptim të përgjithshëm.”, – shkruan Meço.

Ajo shprehet se ndonëse nuk mund të flasim në emër të të gjithëve, sërish të gjithë ne jemi në dorë të kryeministrit Rama ndërsa e ironizon atë si “dikush që mpreh lapsa me ngjyra për të vizatuar bienaleve të botës”.

“Asnjë prej nesh s?mund të flasë në emër të të gjithëve, ama, të gjithë ne jemi një statistikë në tryezën e zyrës së dikujt që mpreh lapsa me ngjyra për të vizatuar bienaleve të botës, me paratë e të gjithëve ne.
Brenda asaj statistike ka jetë, frymë, marrëdhënie njerëzore, fëmijë, pleq, sakrifica, lodhje, punë, dështime, suksese, ndjenja, pritshmëri, ëndrra, shpresa.”, – thotë Meço, e cila shton se “Kush shpërfill e manipulon statistikën, ka vënë dorë tek çfarë na mban gjallë.” /CityNews





Lajmet e fundit nga