E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Debatet në kryesinë e FRPD-së

11 Tetor 2017, 11:04, Aktualitet CNA

FRPD ka thirrur dje pasdite një mbledhje kryesie, ku i pranishëm ka qënë edhe kryetari i PD, Lulzim Basha, një mbledhje që ka filluar në orën 18:00 dhe ka përfunduar rreth orës 23:00 të mbrëmjes. Pra rreth pesë orë debate të forta dhe akuza ndaj Lulzim Bashës për sjelljen e tij ndaj të rinjve të organizatës partnere të PD-së.

Të rinjtë demokratë kanë vendosur me shpatulla pas muri Lulzim Bashën, ky i fundit ka kërkuar ta kalojë duke qeshur këtë fakt në mbyllje të mbledhjes dhe gjithçka ta mbyllë me një foto, në fakt mbledhja e ka bërë Bashën për ?ujë të ftohtë? pasi në pesë orë ai ka pranuar se ka gënjyer të rinjtë e FRPD-së, ka pranuar se ka bërë faj dhe gabime në marrëdhënie me ta, ka pranuar se ka dështuar dhe se është dështimi kryesor i PD në zgjedhje dhe ashtu siç artikulon kohët e fundit është shprehur se ka marrë dhe përgjegjësi.

Vetëm dy zëra të cilët mbështeten dhe paguhen nga firma e bashkëshortes dhe kunatit të Lulzim Bashës kanë mbështetur kryetarin e PD-së duke thënë në mbledhje se anëtarët e kryesisë e kanë sharë Lulin në mbledhjet e kaluara apo në rrjetet sociale. Të gjithë të rinjtë e tjerë të kryesisë së PD, në bllok, kanë drejtuar gishtin e akuzës ndaj Lulzim Bashës.

Kryetarit të PD-së i është kërkuar llogari pse të rinjtë nuk ishin pjesë e listës së kandidatëve për deputetë, ku ai vetë kishte premtuar se 30% e saj do të përbëhej nga të rinjtë e FRPD-së. Basha ka pranuar gabimin për moskandidimin e tyre dhe kryetarit të FRPD, Belind Këlliçi dhe ka kërkuar mëshirë nga të rinjtë demokratë që të mos e sulmojnë, por të bashkëpunojnë dhe të vendosin në statut rregullat e bashkëpunimit.

Basha ka deklaruar se vetëm ai dhe Belind Këlliçi janë drejtues të zgjedhur me një anëtar një votë, por i menjëhershëm ka qënë reagimi i anëtarëve të kryesisë së FRPD-së, të cilët kanë theksuar se PD nuk mundi të bëntë zgjedhje si FRPD.

Basha nuk është aq legjitim sa Këlliçi sepse standardet e garës së të rinjve demokratë ende nuk janë vendosur në PD dhe gara e Bashës me Selamin ishtë një farsë dhe një garë e manipuluar, ndërsa FRPD zhvilloi një garë të vërtetë ndryshe nga ajo që zgjodhi të bëntë Lulzim Basha.

Disa të rinj kanë drejtuar akuza të forta ndaj Bashës, duke thënë që lista e tij ishte jopërfaqësuese dhe se kandidatët e vendosur nga Basha, të cilët disa janë sot deputetë, kanë punuar kundër PD, janë të pabesueshëm në opinionin publik dhe kanë tentuar të përçajnë FRPD në fushatë. Akuza të forta ka pasur për Grida Dumën dhe Ervin Salijanin si deputetë të Bashës dhe financuar nga UET, të cilët janë të pabesueshëm për rininë dhe për më tepër me veprimet e tyre kanë përçarë FRPD-në.

Akuza janë drejtuar edhe ndaj numrit dy të kandidatëve në Tiranë, Orjola Pampuri, e cila sipas të rinjve demokratë e ka për turp që të jetë përfaqësuese e PD-së dhe deputete e kësaj force politike.

Debati ka qënë i fortë dhe ka zgjatur rreth 5 orë, kryetari i PD-së, Lulzim Basha i ndodhur përballë furtunës së të rinjve me fakte akuza dhe prova konkrete, është detyruar të kërkojë marrëveshje me ta dhe një platformë të vërtetë bashkëpunimi./ CityNews