E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Terroristi çeçen pajiset me pasaportë shqiptare false në Graz të Austrisë

11 Tetor 2017, 10:08, Aktualitet CNA

Një çeçen 25 vjeçar po gjykohet nga Gjykata e Korneoburgut (Austri) i akuzuar si pjesëmarrës në organizatë terroriste. Në korrik 2014 çeçeni bashkë me të ëmën dhe të shoqen udhëtoi me veturë nga Austria deri në kufirin turko-sirian për t?iu bashkuar organizatës terroriste të Shtetit Islamik.

Policia turke e ndaloi të kalonte kufirin dhe pasi i mbajti pak ditë në burg i dëboi për në Austri. Ceceni u dënua me dy vjet burg nga Gjykata e Vjenës për këtë tentativë për t?iu bashkuar ISIS-it. Në 26 korrik 2016 ai u lirua nga burgu.

Pas lirimit nga burgu ai vazhdoi të kishte kontakte me rrethet ekstremiste salafiste në Austri. Në mars 2017 së bashku me një mikun e vet ekstremist vendosën të tentojnë përsëri për të shkuar e për të luftuar në Siri. Me qëllim që të mos binin në sy të policisë austriake në maj 2017, ata blenë nga një tjetër cecen me nga 950 euro copën 2 pasaporta dhe 2 leje drejtimi automjeti shqiptare të falsifikuara. Në 19 maj 2017 ata prenotuan biletat e avionit në Linjën Vjenë-Stamboll. Në 22 maj u bllokuan nga policia në Aeroportin Schwechat të Vienës.

Në këtë histori na tërheqë vëmendjen fakti që pasaportat biometrike shqiptare madje me elementë sigurie shtesë pas marrëveshjes së re Tahiri- Koncesionari Sagem-Aleat ?Shafran si edhe patentat e reja me elementë sigurie shtesë po përdoren edhe nga terroristët islamikë.

Tashmë për kriminelët e keqbërësit shqiptarë e të huaj është bërë e modës pajisja me një identitet të ri duke blerë pasaporta biometrike shqiptare të prodhuara false nga sistemi me raste bashkë me leje drejtimi automjeti të prodhuara false po nga sistemi. Tipik është rasti i kriminelit të shquar elbasanlli Sadushi, të cilit policia angleze në momentin e arrestimit i kapi 4 pasaporta, 3 prej tyre biometrike shqiptare me 4 identitete të ndryshme të rrema!

Një përdorim i tillë i pasaportave shqiptare ka alarmuar aleatët tanë të NATO-s deri në nivel ministri të brendshëm apo admirali si në rastin e Domenico Michelle-s, inspektorit të Përgjithshëm të Rojes Bregdetare Italiane. Në rastin e terroristit cecen është hera e parë që një polici europiane dokumenton përtej cdo dyshimi të arsyeshëm që pasaportat biometrike shqiptare po përdoren edhe nga terroristët. Që në dhjetor 2011 në një artikull tonin theksonim se ka indicie, që pasaportat e reja biometrike po përdoren edhe nga terroristë e lidhur me Tashmë alarmi i gjashtë viteve më parë fatkeqësisht është shndërruar në një rrezik të qartë e prezent. Terroristët islamikë fare mirë mund të infiltrohen në vendet e BE-së e jo vetëm duke përdorur të tilla pasaporta shqiptare false./CityNews

GJERGJ THANASI