E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rasti Artan Hoxha / Gjykata e Strasburgut kryqëzon Adriatik Llallën

9 Tetor 2017, 16:21, Aktualitet CNA

Në një vendim të dhënë pak ditë më parë Gjykata e të Drejtave të Njeriut në Strasburg, ka dalë në mbrojtje të gazetarëve, duke theksuar se të urdhërosh një gazetar për të dhënë dëshmi mbi një burim nuk është e justifikuar.

Gjykata u shpreh për ngjarjen që nisi në 2012 nga gazetarja norvegjieze Cecilie Langum Becker, e cila ishte e urdhëruar të jepte dëshmi për kontaktet e saj me burimin në lidhje me një artikull që flet për kompaninë Norvegjeze të naftës.

Gjykata Europiane ka konfirmuar që e drejta e Zonjës Becker si gazetare është të mbajë burimet e saj konfidenciale, dhe kjo e drejtë nuk mund t’i hiqet. Në aktgjykimin e dhomës për çështjen , Gjykata Europiane vendosi në mënyrë unanime që ka pasur shkelje nga Norvegjia në nenin 10 në Konventën Europiane të të drejtave të njeriut, që është liria e të shprehurit.

Ky vendim është një shpullë e fortë për Prokurorinë e Krimeve të Rënda, drejtuesin e saj Besim Hajdarmataj, dhe Kryeprokurorin Adriatik Llalla, të cilët prej më shumë se një viti kanë sekuestruar celularët e gazetarit Artan Hoxha, pasi e shoqëruan për më shumë se 4 orë në ambientet e Prokurorisë.

Në atë kohë në studion e emisionit “Opinion” gazetari Hoxha theksoi, se piloti Guido Guidi, i rrëzuar me një avion sportiv në Ishëm të Durrësit kishte arritur një marrëveshje me prokurorët dhe ishte lënë i lirë.

Pas kësaj deklarate pa dalë nga studioe e “Opinion”, Artan Hoxha shoqërohet në Prokurori për tu marrë në pyetje, dhe nga prokurorët i është kërkuar pikërisht: të tregojë burimet e tij. Ai ka refuzuar, dhe për këtë arsye prokuroria i ka sekuestrauar telefonat që ia mban prej më shumë se një viti, duke shkelur vendimet e Gjykatës Europiane për të Drejtat e Njeriut.

Adriatik Llalla dhe Besim Hajdarmataj, duke shkelur kompetencat e tyre ligjore, i kanë kërkuar gazetarit të tregojë burimet dhe pasi ky ka refuzuar i kanë sekuetruar telefonat, për t’i zbuluar më tej se kush ishin informatorët e gazetarit Hoxha.

Sot pas më shumë se një viti, piloti italian Duido Guidi është i lirë, Artan Hoxha pa telefonat e tij, ndërkohë që personat që duhet të vendosen në bankën e të akuzuarve janë Besim Hajdarmataj dhe kryeprokurori Adriatik Llalla, të cilët kanë shkelur liritë dhe të drejtat e njeriut, duke detyruar gazetarin që të tregojë burimet e tij të informacionit. /CityNews