web counter
LEXO PA REKLAMA!

SHKARKO APP

App Store
Google Play

E fundit!

x

Nga Artan Hoxha / Rrethimi i fundit i Shkodrës

9 Tetor 2017, 14:50, Aktualitet CNA

Shkodra, njeri nga qytetet me te vjetra te Shqiperise dhe njerezimit. Me fillese si vendbanim me shume se 2000 vite para Krishtit, u ka rezistuar per 4000 mije vite rrethimeve dhe pushtuesve me te eger qe ka njohur bota.

Por….. sapo eshte dorezuar pa kushte para rrethimit dhe pushtimit te fundit te Sulltan Don Dukes se Pare i mbeshtetur nga taborret e FSHF-se dhe nga trupat speciale te bimbashit Haki Cako nen komanden e yzbashit vendor te qytetit. Po po, Shkodra e famshme nga humbetira e shekujve kapitulloi pa kushte. Koshadhet e bimbashit Cako sipas nje plani te perbashket me taborret e FSHF-se, kane marre vendim tu zbathim deri dhe breket cdo shkodrani apo shqiptari, i ardhur nga brenda apo jashte vendit qe do te tentoje te futet ne stadiumin “Loro Borici”. S’ka, rrup sup!!! Ku jemi ketu!!!! Kemi shtet dhe FSHF jo shaka. Sulltani e njoftoi miletin qysh dje. Je me makine, parko te Harku Berdices, ne zall te Kirit ose ne Shtoj te vjeter. Futja me kembe vella, zahmet e ke nese do te jesh kete mbremje ne stadium. Dy tre ore njeriu i ben per qejf. Ece qe ece me kembe, duhet te hysh ne stadium 4 ore para fillimit te ndeshjes. Hyrja nis me 17.00, ndeshja fillon ne 20.45. Me gjithe respektin si impianti me i mire sportiv ne vend, “Loro Borici”, nuk eshte “Santiago Bernabeu” dhe as “Uembli” ku ti ke kushte te kalosh kater ore ne ambjentet e sherbimit social per te kaluar kohen, te besh shoping apo te argetohesh.

Kater ore ne Loro Borici kam pershtypjen qe nuk rrijne as punetoret e fushes qe paguhen per te qendruar aty. Tifozeve, ata per te cilet luhet ndeshja, qe kane shpenzuar sa qimet e kokes per nje bilete, qe kane hequr te zite e ullirit per te ardhur ne Shkoder, per te gjetur nje parking qe nuk gjendet kund se nuk te le policia, qe kane harxhuar pa fund shpenzime udhetimi, kane dhe nje skaner te fundit. Ate me te pameshirshmin. Ata nuk duhet te mbajne me vete monedha metalike. Pune e madhe, shyqyr qe leku shqiptar nuk ka shume vlere, se edhe po te kete mbetur ndonje kacidhe ne xhep, e hedh tej. Nuk duhet te mbajne celsa. Po ku ti cojne o pashallare, qe per vete hyni ne stadium edhe me superbenz-at tuaj luksoz. Jane celsat e shtepise, e makines, e zyres,… ku ti cojne te shkretet tifoze.

Sulltani dhe Bimbashi kane nxjerre tellallin te thote se masat shternguese jane kaq te forta sepse duhen shmangur sulmet terroriste. Po ku keni pare ju te kete masa te tilla ne mes te Europes, aq me teper kur luan Italia. Me Serbine dhe Izraelin na e hodhet, por kete radhe boll me, boll ne keni zot.
Po luhet ne Shkoder djepin e tolerances fetare, qe nga thellesia e shekujve, nuk po luhet ne Rripin e Gazes. Po luan Shqiperia me Italine, dhe shqiptaret jane gati po aq tifoze sa me njeren ashtu dhe me tjetren. Nuk po luan Izraeli me Palestinen, ku kamikazet pritet te shperthejne nga casti ne cast.

A do mesoni ndonjehere te administroni nje ndeshje normale?!!! Nese jeni kaq te paafte boshatiseni stadiumin, ne daci boshatisni dhe qytetin, por mos na perrallisni per supermasat tuaja bajate.
Gjate europianit France 2016, Policia e Shtetit dergoi nje skuader oficeresh qe qendruan nje muaj atje. A pate gje aty o trima, a mesuat si administrohet dhe sigurohet nje ndeshje futbolli?!! Tregojuani shefave tuaj te frustruar qe te qetesohen, te kthjellohen, qe ta marrin vesh se futbolli eshte nje loje qe zhvillohet per njerezit, per sportdashesit, per tifozet, jo per tua nxire jeten ketyre te fundit. Kam pare ndeshjen ne Marseje, France-Shqiperi, 68 mije tifoze ne Velodrome, vetem nje kontroll, vetem nje, dhe ai nga civile…

Meqe me ra shansi te jem ne Palermo ne ndeshjen e pare Itali-Shqiperi, mbaj mend se kalova vetem nje kontroll policor, dhe ai gati formal. Kontrolli i dyte ishte elektronik, vetem per bileten, asgje tjeter. Dhe aty ishin 33.000 njerez dhe jo me shume se 700-800 police. Ishim ne Palermo, simbolin e mafias dhe Policia ishte per ndihmuar jo per ti torturuar tifozet pa shkak, pse atje siper jane ca te pafte qe nuk ia kane haberin si menaxhohet nje ndeshje futbolli. Jane vetem 15.250 tifoze qe kane paguar si frengu pulen per tu argetuar dhe trajtohen si huligane apo terroriste nga mobilizimi i mbi 1500 policeve.

Hej burra cfare beni keshtu? E keni cuar cmimin e biletes sa ne “Bernabeu” ne nje vend ku shumica e qytetareve shpenzojne ne muaj sa vlera e nje bilete ne tribune. Ju qofshi!!! U pacim sa malet!!!!
Shkoder locja, qe i rezistoi rrethimit serb e bullgar, venedikas e malazes, qe e mbajti Sulltan Memetin dy here jashte mureve te saj, u dorezua pa pike rezistence perpara rrethimit te fundit te Sulltan Don Dukes dhe taborreve te FSHF-se mbeshtetur nga paaftesia “shkelqyese” e policise.
Nje ndeshje futbolli nuk cilesohet e shkelqyer kur ti nga paaftesia u heq rripat e pantallonave dhe corapet tifozeve, por kur tifozet argetohen me performancen e futbollisteve.
Ne fund te fundit mbase s’keni faj, kaq dini kaq beni…





Lajmet e fundit nga