web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Pse hesht PS për skandalin e byzylykëve të LSI?

9 Tetor 2017, 13:29, Aktualitet CNA

Kryeministri Rama dhe Partia Socialiste po heshtin për skandalin e byzylykëve survejues që kishin blerë zyrtarët e LSI kur kishin Ministrinë e Drejtësisë dhe Drejtorinë e Shërbimit të Provës (Drejtoria që merret me mbikqyrjen e të burgosurve të dalë në gjendje të lirë). Byzylykët, që lidhen në nyjen e këmbës dhe janë të pajisur me një çip (pajisje elektronike që mbikqyr lëvizjet e personit) duhet të përdoreshin për të mbajtur nën mbikqyrje të burgosurit në gjendje të lirë. Por byzylykët ata të LSI-së i përdorën për të mbajtur nën mbikqyrje dashnoret e tyre që i kanë gjetur në kampingun e Jalës ku Lëvizja Rinore e kësaj partie shërbente si furnizuese e haremeve të zyrtarëve të lartë të kësaj partie që i paguanin femrat e përzgjedhura me rrogë të shtetit.

Kryeministri Rama dhe PS heshtin sepse byzylykët, që dorëzohen privatisht, do të përdoren me të njëjtin funksion nga njerëzit e PS-së që do të zenë vendet e atyre të LSI-së. Madje shpesh mund të shkojë pako byzylyku bashkë me vajzën, sepse këto janë gati të vazhdojnë veprimtarinë, nëse vazhdon pagesa.

Kështu PS mëson nga përvoja e LSI-së, zyrtarët e së cilës përfitonin dyfish nga byzylykët. Nga njëra anë merrnin rryshfet nga të burgosurit e nxjerrë në gjendje të lirë, të cilët paguanin që të mos mbanin byzylykë, në anën tjetër kontrollonin lëvizjet e dashnoreve të tyre, domethënë për aq sa mund të quhen dashnore këto skllave seksuale me pagesë./Kastriot Myftaraj





Lajmet e fundit nga