Italia aleate i dhuron automatikë dhe autoblinda Shqipërisë

9 Tetor 2017, 11:03, Aktualitet CNA

Në 19 tetor ligjëvënësit italianë (senatorë dhe deputetë) do të aprovojnë dekretin e Ministrisë së Mbrojtjes së Italisë për t?i dhuruar Shqipërisë 5 000 copë pushkë sulmi (Assault rifle) tip AR 70/90. Këto pushkë automatike janë variant i modernizuar i Berettave të vjetra model 70/223 apo edhe BM 59-at.

Duke qenë të pajisura edhe me shinën tip ?Picattiny Rail? ato kanë aftësi relativisht moderne si montim shenjestre me ?pikë të kuqe?, apo edhe shenjestre tip ?ACOG?. Këto Beretta kanë tre nivle zjarri përfshirë edhe breshërinë tre fishekshe. Në to mund të montohet nën tytë edhe granatahedhës kalibër 20 ose 30mm. Muncioni i tyre është standard i NATOs kal.5,56X45, gjë që unifikon municionin me Berettat ARX 160 me karabinat amerikane M 4 apo me serinë e pushkëve të sulmit H&K, që janë në sasi të kufizuara në armatimin e ushtrisë sonë.

Një unifikim i tillë municioni ofron një logjistikë më të kollajtë e më të dobishme në terrenin e luftës. Këto armë këmbësorie kanë qenë më të përdoruarat nga forcat e armatosura italiane nga viti 1990 deri në vitin 2010, kur filloi zëvendësimi i tyre në mënyrë masive nga pushkët e reja të sulmit Beretta ARX 160, pjesë e programit ushtarak modernizues italian ?Soldato Futuro System?.

Në vitin 2008-2009 ministri Oketa madje importoi (bleu) në Itali për nevojat e ushtrisë sonë edhe 120 pushkë të tilla në disa konfiguracione me granatahedhës të inkorporuar ose edhe vetëm granatahedhës. Për herë të parë pushkët Beretta 70/90 hynë në Durrës në shtator 1991 në kuadrin e kontigjentit Pelikan.

Italianët pas aprovimit të dekret ligjit në parlament dhe senat bashkë me 5 000 Berettat do t?i falin Shqipërisë edhe dy furgona të blinduar ultramodernë ?Lince?, më të përparuar e me më shumë kapacitete se kopjet ruse ?Tiger?!

I kujtojmë lexuesit se në 2015 Shqipëria bleu 23 copë ?Lince? në Itali, për të filluar mekanizmin e batalioneve të këmbësorisë së Ushtrisë Shqiptare. Vetëm tani mund të thuhet se Shqipëria para 28 Nëntorit do të ketë në arsenalin e saj këtë armatim të ri dhuratë bujare e Italisë, fqinje, aleate dhe mike. Ish ministrja Kodheli për efekte propagandistike, që në dhjetor 2016 e bëri fakt të kryer këtë dhuratë italiane, që vetëm tani në tetor po kalon të gjitha hallkat e ligjëvënësit italian./CityNews

GJEGRJ THANASI