web counter
LEXO PA REKLAMA!

SHKARKO APP

App Store
Google Play

E fundit!

x

Reforma zgjedhore/ PD debat me çdo kusht, PS kundër. Tjetër përplasje të enjten në parlament

9 Tetor 2017, 08:57, Aktualitet CNA

Seanca parlamentare e së enjtes së shkuar u bllokua nga PD për shkak të qëndrimit të saj e cila debat për reformën zgjedhore. Kryetari i opozitës Lulzim Basha bllokoi foltoren e Kuvendit, duke mos lejuar zhvillimin normal të seancës parlamentare. Ky qëndrim i Bashës, bëri që kryetari i Parlamentit, Gramoz Ruçi ta përjashtonte nga seanca dhe më pas PD të ngujohej për 7 orë në parlament por pa gjetur asnjë zgjidhje.

Opozita këmbëngul që të ketë debat për reformën zgjedhore pas Raportit të OSBE ODIHR, por  mazhoranca nuk pranon, sipas saj kjo është një çështje e zgjidhur me konsensus dhe ska nevojë për debat.

Në mbledhjen e sotme të grupit parlamentar të Partisë Socialiste, Kryetari i këtij grupi, Taulant Balla ka kërkuar që në seancën e ardhshme të mos ketë debat për reformën zgjedhore, por PD nuk heq dorë nga kërkesa e saj.

Palët ngelen të ndara në të njëjtat pozicione çka mund të sjellë një përplasje të re midis deputetëve të opozitës dhe kreut të Kuvendit Gramoz Ruçi.

Burime zyrtare nga PD i thanë Citynews se opozita do kërkojë të zhvillohen debate ashtu siç e përcakton rregullorja dhe sipas precedentëve të theksuar nga kreu i grupit parlamentar Edmond Spaho dhe kryetari Basha.

Palët janë edhe më larg se e enjtja e kaluar, ku PD bllokoi foltoren dhe u ngujua për 7 ore në kuvend. Nuk dihet se cila do jetë lëvizja e demokratëve por  Basha duket i bindur që nuk duhet të tolerojë dhe me shumë gjasa do kemi një tjetër përplasje të enjten./ CityNews





Lajmet e fundit nga