web counter
LEXO PA REKLAMA!

SHKARKO APP

App Store
Google Play

E fundit!

x

Vasili: Telekomandën e shkollëpakut e kanë oligarkët

9 Tetor 2017, 15:22, Aktualitet CNA

Kryetari i grupit Parlamentar të LSI-së, Petrit Vasili, ka vijuar me sulmet ndaj Kryeministrit Edi Rama.

Duke u ndalur tek komentet e bëra nga Rama në Lezhë për vendosjen e TVSH-së edhe për biznesin e vogël, Vasili thekson se Edi Rama është një kryeministër qesharak dhe i telekomandruar nga oligarkët.

Në postimin e tij në rrjetet sociale Vasili shprehet: “Kryeministri na la, dëgjoni ç’thotë: “do të rrënoj të varfrit, që të varfëroj oligarkët.”
Pu pu ç’kryeministër qesharak është ky!”.

Më tej Vasili është shprehur duke komentuar Ramën se po shkatërron të varfërit për të varfëruar të pasurit.

“Nga Lezha tha:”po ia vë TVSH-në biznesit të vogël që të mos fitojnë oligarkët”.
Domethënë: “do shkatërrojme të varfrit, që të varfërojmë të pasurit”,- thotë ky kryeministri ynë i paditur gjer në dhembje. Një budallallëk të tillë kolosal vetëm ai mund ta thotë.
Ngaqë është shkollëpakët e tallin edhe ministrat e tij dhe i thonë fjalë dhe shpjegime, që ai dihet që nuk i merr vesh fare dhe vetëm i përsërit si papagall i varfri, se ai vetë nuk lexon e nuk kupton gjë prej gjëje.”, – tha ndër të tjera ai.

Në vijim të komentit të tij Vasili shkruan: “Telekomandën e shkollëpakut e kanë oligarkët në dorë, por këta të fundit u treguan më të sinqertelë dhe dolën sot paradite dhe deklaruan me gojën plot se janë shumë të lumtur me TVSH-në, që shkollëpaku po i vë bizneseve që luftojnë për bukën e gojës”.

Vasili e ka përbmyllur komentin e tij, duke kërkuar që të informohet Rama se me këtë skemë po lë pa punë, pa bukë e shpresë mijëra njerëz.

“Informojeni këtë haluçinant që mijëra njerëz që mbajnë me gjak e djersë bizneset e tyre të vogla të mbijetesës po mbeten pa punë, pa bukë dhe pa shpresë, ndërsa ky zgërdhihet si derr i kënaqur në stanin e oligarkisë”, – përfundon Vasili. /CityNews





Lajmet e fundit nga