web counter
LEXO PA REKLAMA!

SHKARKO APP

E fundit!

x

Kryeministri malazez, thirrje Kosovës: Ratifikoni demarkacionin

9 Tetor 2017, 17:53, Aktualitet CNA

Kryeministri i Malit të Zi, Dushko Markoviq, i ka bërë thirrje institucioneve të Kosovës që të jenë të guximshme në marrjen e vendimit për ratifikimin e marrëveshjes për kufirin mes dy shteteve.

Ai ka thënë para gazetarëve se Kosova duhet të gjejë një rrugë për të dalë nga kjo situatë, meqë kjo, sipas tij është në interes të vetë Kosovës.

Duke komentuar për demarkacionin, shefi i qeverisë malazeze tha se tani është në përgjegjësi të autoriteteve në Kosovë dhe qeverisë së saj që të lëvizin në këtë drejtim.

?Vendimi i qeverisë së Kosovës është vendim i të ardhmes kur bëhet fjalë për rajonin. Dhe ata duhet të jenë të guximshëm të bëjnë atë që duhet ta bëjnë?, tha Markoviq.

Kujtojmë se në ditët e para të punës si Kryeministër i Kosovës, Ramush Haradinaj e shkarkoi komisionin që përgatiti marrëveshjen e paratifikuar të nënshkruar në vitin 2015.

Ky vendim ka qënë i bllokuar për më shumë se dy vjet në qeveri. /CityNews





Lajmet e fundit nga