web counter
LEXO PA REKLAMA!

SHKARKO APP

App Store
Google Play

E fundit!

x

Vëzhgimi i CityNews/ “Mish mash” me statistikat e botës së krimit

4 Tetor 2017, 19:13, Aktualitet CNA

Prej disa ditësh në qendër të vëmendjes së opinionit publik shqiptarë  është venë bota e krimit, që, falë mpleksies me politikën, prej dekadash ka zenë kryet e vendit.

Krahas të tjerave nëpër diskutime studiosh mediatike, apo analiza shtypi, janë përfshirë edhe specialistë të krimit, si dhe drejtues të lartë të qeverisë e Policisë së Shtetit.

Ndër të prononcuarit lidhur me këtë temë ka qenë edhe ambasadori amerikan Donald Lu, si dhe kryeministri në detyrë, Edi Rama. Por edhe ish ministri i Brendshëm Teknik, Dritan Demiraj, drejtori i Përgjithshëm i Policisë së Shtetit, Haki Çako e drejtori i Forcave Lëvizëse në Policinë e Shtetit, Niko Brahimaj.

Në takimin me Njesinë Task-Forcë anti-kanabis Edi Rama përmendi një listë me 124 emra njerëzish që drejtojnë botën e krimit në vend.

Një numër ky që po i njejtë u konfirmua edhe nga ish ministri Demiraj. Ndërsa ambasadori amerikan Donald Lu publikoi 4 klane mafioze, një shifër kjo, sigurisht e servirur nga ministri i Brendshëm, Fatmir Xhafaj, drejtori i Përgjithshëm i Policisë, Haki Çako pak ditë më parë përmendi 5 grupe të mirëstruktuara krimi.

Nga ekrani i një emisioni televiziv të hënën Niko Brahimaj, me rezerva, për arsye hetimore nuk foli gjatë veçse përmendi se policia ka informacion për katër klane dhe 20 grupe grupe kriminale, duke qenë në akord me disa referues shifrash e në kundërthënie me disa të tjerë. Por dhe duke lenë pezull pyetjen: sa grupe, klane e emra e sundojnë në të vërtetë botën shqiptare të krimit?/CityNews





Lajmet e fundit nga