E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Editorial/ Kush e pengoi Policinë të godasë 4 klanet mafioze dhe 124 emrat e drejtuesve të krimit

4 Tetor 2017, 15:58, Aktualitet CNA

Një breshëri komentesh e debatesh mediatike e ka ndjekur dekrataën e ambasadorit amerikan Donald Lu, lidhur me 4 klanet mafioze që komandojnë vendin.

Përveç personazhëve politikë, ndër to janë përfshirë edhe të tillë që kanë mbajtur e mbajnë poste të larta drejtuese në Policinë e Shtetit, prej të cilëve kanë ardhur informacione saktësuese.

Madje i përfshirë në zonën e kriminalitetit ka qenë edhe vetë kryeministri Edi Rama, i cili, në mbledhjen e Njësië Task Forcës kundër drogës, mbajtur në datën 30 gusht 2017, konfirmoi ekzistencën e një liste me 124 emra individësh që drejtojnë krimin në vend, duke u bërë i pari ?dekonspirues? zyrtar i këtij fakti.

Pas Ramës, po të njejtën konfirmoi edhe ish ministri Teknik, Dritan Demiraj, i cili shkoi edhe më tej në deklaratën e tij kur tha:

?Unë kam një listë shumë të madhe të përbërë nga 124 emra… Kjo është një listë e hartuar nga agjenci të ndryshme, të cilat nuk i përmend këtu. E kam që kur kam ardhur në detyrë?.

Por ndërsa Demiraj tregoi sagën tre mujore të listës me 124 emrat e njohur të botës komanduese të krimit, kohëhershmërinë e prezencës së tyre e kanë konfirmuar edhe dy drejtues të tjerë të lartë të Policisë së Shtetit.

Njëri prej tyre është Haki Çako, drejtori i Policisë së Shtetit, që prej shumë vitesh, nën periudhën kohore të të cilit 4 klanet mafioze dhe 124 individët drejtues të botës së krimit kanë hedhur valle, si edhe Niko Brahimaj, drejtori i Forcave Lëvizëse në Policinë e Shtetit.

Vetëm pak ditë më parë dhe jo për të parën herë, Çako përmendi se Policia ka të dhëna të sakta për ekzistencën e pesë grupeve të mirëstrukturuara kriminale, duke u shprehur pakuptueshmërisht:

?Synohet evidentimi dhe goditja e grupeve kriminale që synojnë të trafikojnë lëndën narkotike…Po hetohen 5 grupe të strukturuara kriminale, janë evidentuar pasuritë e asetet kudo që i kanë…?. etj., etj.

Për pasje informacioni të Policisë rreth ekzistencës së 4 klaneve dhe 20 grupeve kriminale ka folur edhe Niko Brahimaj i cili ka artikuluar në ligjëratë të drejtë:?Policia ka dosje ku dyshohet se janë të përfshirë personat e përmendur nga Donald Lu. Unë nuk mund të flas më shumë për arsye hetimore…?.

Deklarata e këtij të fundit vjen në bashkëngjitje të pasjes së njohurive të tre të sipërcituarve të mësipërm, pra kryeministrit Rama, ministrit teknik Demiraj e drejtorit Çako, rreth individëve që drejtojnë botën e krimit.

Ajo që mbetet mister në këtë mes është mosgoditja e këtij kontingjenti. Domethenë lënia në liri veprimi kriminal për një kohë të gjatë dhe mosgoditja e individëve të 4 klaneve, 20 grupeve kriminale dhe 124 emrave që drejtojnë krimin në vend./CityNews