web counter
LEXO PA REKLAMA!

SHKARKO APP

App Store
Google Play

E fundit!

x

Mbreti i Spanjës dënon organizatorët e referendumit të Katalonjës

4 Tetor 2017, 13:28, Aktualitet CNA

Mbreti i Spanjës, Felipe i VI-të, i ka dënuar organizatorët e referendumit për pavarësi në Katalonjë, duke thënë se ata e kanë vënë vetveten ?jashtë ligjit? dhe ka kërkuar nga autoritetet shtetërore për ta mbrojtur ?rendin kushtetues? në këtë rajon veriperëndimor të Spanjës.

Në fjalimin e mbrëmshëm televiziv, Mbreti i Spanjës ka kërkuar unitet, duke thënë se situata në vend po ballafaqohet me krizë ?shumë serioze?.

Njëherësh, qindra mijëra njerëz kanë dalur në rrugët e Barcelonës, që është kryeqytet i Katalonjës, për të protestuar kundër dhunës policore gjatë referendumit të mbajtur para tri ditësh, me ç?rast ishin lënduar qindra vetë.

Protestuesit i bllokuan rrugët në Barcelonë, ndërsa shërbyesit civilë e ndalën punën pas ftesës së grupeve për pavarësi në rajon, pasi policia e Spanjës me forcë ishte përpjekur për t?i mbyllur vendvotimet gjatë referendumit.

Me këtë grevë janë prekur sektori publik, ai i transportit dhe shërbimet themelore në Barcelonë.

Në shenjë të mbështetjes për grevë, klubi i njohur i futbollit, Barcelona, e ka pezulluar stërvitjen.

Autoritetet e Katalonjës thonë se 2.2 milionë njerëz votuan në referendum, ndërsa 90% prej tyre e kanë mbështetur pavarësinë.

Gjykata Kushtetuese e Spanjës e kishte ndaluar mbajtjen e referendumit./ CityNews





Lajmet e fundit nga