E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD me 177 vota,...

Firma ndërtuese punon pa harta/ Shkatërron tubacionin kryesor të ujit

4 Tetor 2017, 11:51, Aktualitet CNA

Banorët e lagjes ?28 Nëntori? dhe ?Dyli e Haxhire Myzyri? në Elbasan kanë denoncuar pranë ?CityNews? një firmë private ndertuese e cila ka nisur prej tre javësh punimet për ndërtimin e aksit rrugor nga kryqezimi 1 Majit deri tek ish-NBSH, me gjatesi mbi 570 metra, duke hapur me mjetet e saj të rënda, pa asnjë kujdes gjithë shtratin e saj.

Banorët e dy lagjeve ankohen se ?jemi të izoluar, jemi në pamundësi të lëvizim të shkojmë në punë, të dërgojmë njeri në spital, apo ndonjë problem tjeter shendetsor, pasi firma nuk ka lënë asnjë shteg dhe hapësirë për të lëvizur mjetet madje as biçikletat, kemi gra shtatzëna, pleq të sëmurë, dhe raste të tjera urgjente, por sikur të mos mjaftonte kjo, tre ditë më parë mjetet e saj të pakujdesshme, shkaterruan tubacionin kryesor të ujit të pijshëm, duke krijuar një situatë të rënduar?. Sipas banorëve “tubacioni kryesor prej gize, ka mbi 65 vjet që është vendosur dhe ka nevojë urgjente për zëvëndësimin e tij, ndaj kerkojmë nga firma të marrë masa urgjente për të zhdëmtuar dëmin e bërë, pasi rrezikojmë të mbetemi pa ujë, ndryshe do të bllokojmë punimet e saj?.

Nga ana e tij Ujësjellësi Elbasan ka angazhuar dje grupet e punës, por ata u shprehën se ?firma ndertuese punon pa kujdes, dhe ndoshta pa harta, dhe kjo do ti kushtojë qytetareve dhe cilësisë së rrugës, ndaj duhen marrë masa për të punuar sipas kritereve teknike dhe jo me hamendësi?. Ndertimi i këtij aksi shumë të rendësishëm rrugor, është një investim i qeverisë, në nga pikat hyrëse kryesore të qytetit të Elbasanit.

Banorët e dy lagjeve kërkuan nga firma ndertuese, të marrë masa urgjente për zbatimin e kushteve teknike dhe pajisjen me harta për të mos dëmtuar rrjetin e ujit të pijshëm, pasi disa ditë më parë mjetet e saj kanë dëmtuar rëndë edhe rrjetin e Albtelekomit, duke u prerë sinjalin telefonik dhe internetin, dhjetra fimiljeve. Denoncimet e qytetarëve ndaj firmës, pritet të shkojnë edhe në organet kompetente, në rast se do të vazhdohet të punohetme ritme të tilla./CityNews