web counter
LEXO PA REKLAMA!

SHKARKO APP

App Store
Google Play

E fundit!

x

Varfëri ekstreme në vend/ Shqiptarët të mbytur në borxhe

4 Tetor 2017, 10:13, Aktualitet CNA

Duket se varfëri në shume familje shqiptare është ulur këmbëkryq dhe nuk ka ndërmend të levizë. Gjendja e vështirë ekonomike ka detyruar këto familje të marrin borxh për tja dalë mbanë.  Shumica e familjeve huamarrëse rreth 78% e tyre nuk presin ndryshim të aftësisë paguese edhe në gjysmën e dytë të vitit 2017

Varfëria, skamja dhe papunësia ka vënë familjet shqiptare përballë vështirësive të mëdha ekonomike. Këto familje janë çdo ditë e më shumë në luftë për mbijetesë. Huamarrja është fenomen shumë i përhapur në Shqipëri. 62% e tyre, e kanë marrë atë prej burimeve informale jashtë sistemit bankar dhe kryesisht tek persona të tjerë fizikë, që mund të jenë të afërm apo të njohur.

Sipas vrojtimit të Bankës së Shqipërisë në 6 muajt e parë të këtij viti, kjo formë e huamarrjes zë 40% të rasteve. Në 38% të rasteve të huamarrjes, familjet i janë drejtuar burimeve formale banka dhe institucione jobankare në formën e produkteve të kredisë. Në 6 muajt e parë të 2017, niveli i të ardhurave të familjeve dhe niveli i shpenzimeve kanë qenë në rritje, por rritja e shpenzimeve ka rezultuar më e madhe duke sjellë ngushtim të balancës financiare të ardhura-shpenzime.

Sipas Fondit Monetar Ndërkombëtar 1 në 6 shqiptarë, ka një kredi në një prej bankave tregtare në vend. Të dhënat argumentojnë nevojën në rritje për financim, lehtësinë e kredidhënies nga bankat tregtare me kalimin e viteve, paçka se, bëhet fjalë për një periudhë të shkurtër kohe, afro një dekadë, si dhe evoluimin e ekonomisë shqiptare, e sidomos asaj familjare gjatë kësaj periudhe kohore./CityNews





09:37 Aktualitet

Shpërthim në Paris

Zyrtarët jordanezë dhe francezë kanë thënë se nuk është e qa...

Lajmet e fundit nga