web counter
LEXO PA REKLAMA!

SHKARKO APP

App Store
Google Play

E fundit!

x

Një foto që akuzon Lulzim Bashën/Si emëroi në PD njerëzit e Çilit të Ramës

4 Tetor 2017, 08:25, Aktualitet CNA

Një foto që flet vetë dhe ska nevojë për shumë komente. E shkrepur në një drekë disa vite më parë mund të shikoni shumicën e drejtuesve të UET, një pjesë të stafit dhe bankierin e ndjerë Artan Santo.

Në rast se personat do ishin jashtë skenës politike dhe thjesht në jetën e tyre private apo si biznesmenë kjo nuk do ngjallte asnjë kuriozitet, por një analizë në kohë tregon edhe njëherë se cila është karriera e shumicës së personazheve në tavolinë dhe ka një akuzë të fortë për Lulzim  Bashën.

Këmi një foto me 9 vetë, ku 4 prej tyre po bëjnë karrierë në PD, Grida Duma, Besart Kadia, Dritan Shano, Romeo Gurakuqi, një i shërben Bashës me një portal periferik,  një është ndarë nga jeta dhe tre të tjerët janë ende pjesë e një universiteti privat në shërbim të qeverisë.

Në foton e drekës të organizuar nga Henri Çili i UET, duket Grida Duma midis tij dhe bankierit të ndjerë Artan Santo. Duma nga pedagoge e thjeshtë në UET, pati një karrierë të menjëhershme në PD. Duma u bë Sekretare e Mardhënieve me Publikun, anëtare e kryesisë dhe një nga personat më të votuar në Kuvendin Kombëtar të demokratëve. Jo se Duma është e pazonja për karrierë, por ajo ende nuk i është përgjigjur publikisht disa pyetjeve, se pse investoi Henri Çili tek ajo? A ka qenë ajo lidhja e Santos me Çilin për një kredi disa milionë euro? Ka dhe shumë të tjera që Duma i shmang ose nuk do ti drejtohen.

Besart Kadia, është emëruar në shkelje të statutit të PD, Sekretar për Ekonominë në PD, duke e bërë anëtar kryesie, drejtues i një Fondacioni të Henri Çilit që mbledh shpesh karrieristët që ka investuar UET.

Dritan Shano, koordinator i Lulzim Bashës, anëtar i Këshillit Kombëtar, pa asnjë kontribut politik, përkundrazi pjesë e stafeve në qeveritë e socialistëve, rekomandohet nga Çili tek Basha.

Romeo Gurakuqi, së fundi deputet i Shkodrës, i pari në Listën e Lulzim Bashës. Dështoi, nuk pati asnjë peshë politike në bastionin e demokratëve, asnjë lidhje të fortë më PD, thjesht rekomandim i Henri Çilit për Lulzim Bashën.

Alfred Lela një nga mbrojtësit e Lulzim Bashës nuk është pa qëllim në atë pozicion ulur diku në fund. Ai mbron listën Basha dhe kryetarin e PD me vota të manipuluara, pasi ka detyrën e marrë nga Çili, sekti nuk mund të lihet zbuluar, paçka vlen apo jo.

Mungojnë edhe disa të tjerë nga sekti i Çilit në PD, që edhe ata dolën si kërpudhat pas shiut, thjesht dhe vetëm se u rekomanduan nga klienti i Ramës tek Lulzim Basha.

Kjo foto, më shumë se një ditë ku drekojnë disa miq, është një akuzë e hapur ndaj Lulzim Bashës, për klientelizëm. Njerëz pa asnjë kontriburt, përjashto deri diku Dumën, katapultohen, zgjidhen deputëtë, futen në Këshill Kombëtar, bëhen anëtarë kryesie në shkelje të statutit, ju hapet rruga për karrierë politike dhe kontributorëve të vjetër apo të rinj Lulzim Basha, ju fshiu emrin me një të rënë të lapsit. Përjashtoi nga gara dhe përfaqësimi vlerat për të nxjerë në skenë klientelën e qeverisë dhe ata që I bëjnë fresk.

Kjo foto flet jo pak për lidhjen e Lulzim Bashës me Henri Çilin e UET, që në sytë e publikut bën sikur e sulmon, por në fakt Lulzim Basha është thjesht një vegël në duart e Çilit. Asnjëherë Basha nuk çoi ligjin klientelist të arsimit të lartë në Gjykatën Kushtetuese, nga ana tjetër njerëzit e Çili ?gradohen? në PD.  Jo se Henri Çili është banda apo krimi, por thelbi është tek fakti se ai është klientela e qeverisë të Edi Ramës dhe opozita nuk mund të ngrihet me sektin e klientelës apo duke i shërbyer verbërisht asaj, sepse në përfundim merr atë që Basha morri në 25 qershor./Citynews





Lajmet e fundit nga