web counter
LEXO PA REKLAMA!

SHKARKO APP

App Store
Google Play

Konferenca Rajonale e Interpolit/ Çako: Luftë ndaj trafikut të qënieve njerëzore

4 Tetor 2017, 08:45, Aktualitet CNA

Drejtori i Përgjithshëm i Policisë së Shtetit, Haki Çako mori pjesë sot në konferencën rajonale të Interpolit. Konferenca Rajonale e organizuar nga Qendra e INTERPOL-it dhe e sponsorizuar nga Departamenti Amerikan i Shtetit, Zyra për Narkotikët dhe Agjencitë Ligjzbatuese Ndërkombëtare zhvillohet në Tiranë Prej datës 2 deri më 6 Tetor.

Pjesëmarrës në këtë konferencë dhe Workshop, janë përfaqësues të lartë të INTERPOL-it, të Departamentit të Shtetit, të Shërbimit Diplomatik të atashuar në Shqipëri, të Departamentit të Sigurisë Kombëtare nga Uashingtoni, etj.

Qëllimi i konferencës është krijimi i Grupit Rajonal të Punës dhe ushtrimi praktik për bashkëpunimin me sektorin privat gjatë hetimeve kundër kontrabandimit të njerëzve në Ballkan, në kuadër të projektit të Interpolit për rrjetin e specializuar operacional kundër kontrabandimit, mbështetur nga Zyra për Narkotikët dhe Agjencitë Ligjzbatuese Ndërkombëtare (INL), në Departamentin e Shtetit.

Drejtori i Përgjithshëm i Policisë së Shtetit Haki Çako ka shprehur vlerësimin e tij lidhur me faktin që INTERPOL-i organizon dhe zhvillon të tilla takime si një mundësi për oficerët e policive të vendeve të ndryshme, që të shkëmbejnë eksperiencat e tyre dhe të bashkëpunojnë.

Çako ka përgëzuar të gjithë pjesëmarrësit në këtë takim sensibilizues, në kuadër të rrjetit të krijuar nga INTERPOL, në lidhje me çështje kaq të ndjeshme siç është migracioni i parregullt dhe trafikimi i qënieve njerëzore.

Gjithashtu ka theksuar se këto dy fenomene janë prej kohesh në fokusin e luftës së strukturave të Policisë Shqiptare ku përmes ndihmës së aktoreve ndërkombëtarë, si INTERPOL janë arritur rezultate konkrete.

Çako ka nënvizuar se do të ketë vetëm luftë pa kompromis ndaj krimit të organizuar dhe çdo forme tjetër të paligjshmërisë, duke sinkronizuar punën me organizatat policore në rajon dhe vendet partnere, drejt përmbushjes së standardeve perëndimore./ CityNews





Lajmet e fundit nga