web counter
LEXO PA REKLAMA!

SHKARKO APP

App Store
Google Play

LSI merr stafetën e opozitës / Luli ha picë

4 Tetor 2017, 17:02, Aktualitet CNA

Zgjedhjet e 25 qershorit nxorën LSI-në në opozitë bashkë me Partinë Demokratike. Forca politika që për 8 vite kishte qeverisur me Sali Berishën dhe Edi Ramën, pas marrëveshjes së këtij të fundit me Lulzim Bashën LSI-ja kaloi në opozitë.

Premtoi opozitë të fortë dhe duket se po ia del. ndërkohë që LSI përplaset me qeverinë dhe është në aksion opozitar, Lul ha pica dhe bën sehir.

Le të shohim disa fakte.

Votimi i Gramoz Ruçit në Parlament. LSI bojkoton dhe nxjerr Bashën zbuluar.

Petrit Vasili, nënkryetari i kësaj force është më i shpejtë, më i ashpër dhe i përditshëm në kundërshtimet ndaj qeverisë, ndërsa PD reagon me vonesë, pa thelb e ide.

LSI-ja sulmon Kryeministrin, hedh akuza të forta për ekonominë, rendin dhe sigurinë, vetingun dhe politikën e ditës, ndërsa PD-ja reagon me shumë vonesë dhe duket si mizë pa kokë në qëndrimet e saj.

Në 24 orët e fundit, LSI-ja çon dy nisma ligjore në Parlament, siç është ndalimi i koncesioneve dhe statusi i minatorit. Partia e Ilir Metës drejtuar nga Monika Kryemadhi ka gjysmën e deputetëve të PD-së, por kjo nuk e pengon të jetë aktive në të bërin 5-fishin e opozitës më shumë se Lulzim Basha, ndaj Edi Ramës.

Nga një forcë politike, bashkëpunëtore e Edi Ramës, e akuzuar si partia më e korruptuar në Shqipëri si gjatë qeverisjes me Berishën, ashtu edhe me Edi Ramën, sot LSI  po merr stafetën duke udhëhequr frymën opozitare kundër Edi Ramës, ndërsa Lulzim Basha rri e vështron, ha pica apo vazhdon të ëndërrojë, se duke fjetur gjumë dhe përçarë PD-në mund të bëhet kryeministër. /CityNews





Lajmet e fundit nga