web counter
LEXO PA REKLAMA!

SHKARKO APP

App Store
Google Play

Ish-drejtuesi i Policisë: Premtimet e Ramës ishin 100 ditëshe

4 Tetor 2017, 20:33, Aktualitet CNA

Ish-nëndrejtori i Policisë së Tiranës, i larguar politikisht nga puna, Erzen Breçani, ka sulmuar ashpër kryeministrin Edi Rama dhe institucionin e Policisë dhe Prokurorisë, si fajtorë për ngjarjen kriminale, dhe specifikisht atë të Elbasanit, ku policia u godit nga një makinë e blinduar.

Në një intervistë të dhënë për gazetën “Shekulli”, Breçani shprehet se shkaku kryesor për fuqizimin e krimit është paaftësi profesionale e policisë, prokurorisë dhe organeve ligjzbatuese, sepse nuk godasin në mënyrë profesionale dhe të paanshme.

Sipas tij politika është përcaktuesja e fuqizimit apo jo të grupeve kriminale, dhe në 4 vitet e fundit krimi është rritur me hapa të shpejtë.

“Shkaku real që fuqizon grupet kriminale është paaftësia profesionale e policisë, prokurorisë dhe organeve ligjzbatuese që nuk godasin me vullnet dhe paanshmëri çdo grup kriminal kush do qoftë ai!

Politika është një nga faktorët e rëndësishëm që ndikon në fuqizimin apo në të kundërtën e grupeve kriminale. Kemi parë që në vendin tonë, politika edhe pse çdo qeverisje si në çdo vend të botës edhe te ne në prioritetet e saj ka luftën kundër krimit dhe krimit të organizuar! Por krimi i organizuar para 4 vitesh filloi dhe u rrit me hapa të shpejtë! Këtë e pamë në momentet e para të marrjes së pushtetit. U pritën ndryshime dhe reforma të mëdha që do ulnin krimet dhe aktivitetet kriminale, biles premtimet e qeverisë Rama ishin 100 ditë (qesh)!”, – është shprehur Breçani. /CityNews





Lajmet e fundit nga