E fundit!

13:54 Aktualitet

Debati për zonat e mbrojtura/ Rasti "Ria Formosa" dhe Revolucioni Portugez i Turizmit

Nga Edi Rama Kur flitet për zhvillimin në zonat e mbrojtu...

Prof. Hysamedin Feraj sjell bëmat e gjëmat e rektorit Dhori Kule 3

2 Tetor 2017, 16:05, Aktualitet CNA

I hyrë në debatin, kush e ka fajin për katandisjen e Universitetit Shtetëror në fund të listës së publikuar nga grupi i akredituesve anglezë, profesor Hysamedin Feraj, ka publikuar sot në ?Panorama?, shkrimin opinion me titull:?Rektori Kule 3?.

Shkak nga sa duket është bërë një deklaratë e fundit e ish rektorit tetëvjeçar të UT-së, Dhori Kule, nëpërmjet të cilës fajin për gjëndjen e institucionit ai i?a vishte Mynyr Konit, rektorit në detyrë.

?Mbasi për tetë vite i shkaktoi tragjedinë Universitetit të Tiranës, ish rektori Dhori Kule rikthehet në skenë si komedian?, e nis shkrimin Feraj, duke vijuar më tej:

?Komedia shoqërohet me humor. E humori zakonisht shkaktohet nga e papritura e sjelljes së personazhit, nga përgjigje logjikisht të papritura, por që nuk janë krejt-krejt pa logjikë;veçse është logjikë absurde. Dhe kjo shkakton të qeshurën.

Kështu komediani Kule, pëpritmas, për gjëndjen e mjerë të Universitetit të Tiranës i?a mvesh përgjegjësinë Rektorit të tanishëm, pse ky për një vit, sidomos për tre muaj, nuk e paska rregulluar atë që Kule e ka rrënuar sistematikisht për tetë vite…

?Personazhit Dhori Kule nuk i mungon zgjuarësia e tillë. Pa asnjë punim shkencor, megjithatë ky personazh mban gjithë titujt e mundshëm shkencor dhe akademikë, një duzinë titujsh ?honoris causa?, të marrë andej këndej, dhe postin e Rektorit të Universitetit, dikur më presticiozi në vend.

Mungesa e punimeve shkencore në fushën e mendimit ekonomik, si fusha e tij, nuk e ka penguar aspak që të udhëheq punime doktorale në fushën e filozofisë.

Mirëpo, megjithëse nuk kam gjetur punime shkencore në fushën e tij të ekonomisë, nuk mundem të them se nuk është ekonomist i zoti.

Këtë përfundim ma ndalojnë publikimet që janë bërë për pasuritë e rektorëve dhe ish rektorëve. Prej nga ku Dhori Kule nuk del keq, prandaj nuk mund të them se nuk ka ditur të bëjë ekonomi.

Sigurisht që ka ditur. Veç rektor universiteti, Dhori ka qenë anëtar bordesh, i shumë bordeve. U përfol publikisht se në disa ishte anëtar në kundërshtim me ligjin, por kjo nuk do të thotë se nuk e paguanin. Dhe pagesa është e rendësishme, madje aq e rendësishme sa mund të ?legjitimojë? dhe shkeljen e ligjeve.

Angazhimi në shumë borde, drejtimi i punimeve doktorale në filozofi dhe koha që i ka marrë reflektimi i thellë filozofik, angazhimet politike si këshilltar bashkiak etj., sigurisht i kanë marrë kohë dhe energjitë që do t?ia kushtonte mbarëvajtjes së Universitetit, dhe ndonjë punë si Rektor mund ti ketë shpëtuar pa e bërë.

Megjithatë, ndoshta nuk mund të qortohet sepse thuhet se atë punë i?a bënte, herë nga para e herë nga pas skene, zvendësi i përjetshëm i tij, Ervin Demo. Mund të thuhet kështu sepse ky, më shpesh se vetë Kule shfaqej herë para ekranit e publikut, e herë pas tyre për të lavdëruar arritjet e UT, ndërkohë që UT kishte marrë tatëpjetën.

Tatëpjetën e UT e kishin bërë publike shumë pedagogë të UT të shqetësuar sinqerisht….

Vlerësimi i tanishëm i gjendjes së UT është bërë, si për gjithë të tjerët, për gjëndjen në periudhën 2012-2016. Në atë periudhë (deri në fillim të 2016) rektor ka qenë Dhori Kule.

Gjëndja e mjeruare UT-së është konstatuar në periudhën e drejtimit të UT nga Dhori Kule. Por Dhori jep përgjigjen e papritur: përgjegjësinë e ka Rektori i tanishëm! A nuk qëndron komedia dhe humori në të papriturën!?