Analizë financiare/Transferimi i veprimtarisë ekonomike

2 Tetor 2017, 17:38, Aktualitet CNA

Nga Klara ZOTO*

Një moment i rëndësishëm në aktivitetin e një shoqërie mund të jetë dhe ai i transferimit të veprimtarisë ekonomike, në një shoqëri tjetër të interesuar për të vazhduar të njëjtin aktivitet plotësisht apo pjesërisht si paraardhesi ne bisnes..

Në Ligjin 92/2014 ?për TVSH-në ? dhe Udhëzimin përkatës, konceptuar dhe strukturuar në përputhje me Direktiven 2006/112/EC datë 28.11.2006 të Këshillit Europian është trajtuar gjerësisht pikërisht ky moment, i cili më parë linte vend për keqinterpretime si për shoqeritë, ekonomistët ashtu dhe për administratën tatimore gjatë kontrollit të zbatueshmërisë.

Më poshtë po bëjmë një trajtim të thjeshtëzuar të këtij procesi.

Në kuptim të Ligjit 92/2014 ? Për TVSH-në ? ?Nuk konsiderohet si furnizim malli ose shërbimi dhe nuk është i tatueshëm për TVSH-në, transferimi kundrejt pagesës ose jo, apo në formën e një kontributi në një sipërmarrje, i tërësisë së aseteve apo të një pjese të tyre, kur kjo realizohet midis dy personave të tatueshëm për TVSH-në, nëse marrësi siguron vazhdimësinë e veprimtarisë së transferuar. Termi i ?transferimit kundrejt pagesës ose jo apo në formën e një kontributi në një shoqëri, i tërësisë së aseteve apo një pjese të tyre? lidhet me ?transferimin e tërësisë së veprimtarisë ekonomike ose të një pjese autonome të një veprimtarie që përfshin, elemente të trupëzuara dhe, sipas rastit, të patrupëzuara, të cilat së bashku formojnë një veprimtari (sipërmarrje) ose një pjesë të një sipërmarrje, e cila në gjendjen që transferohet të mund të vazhdojë një aktivitet ekonomik të pavarur, në kushte të ngjashme si përpara transferimit?.

Nuk konsiderohen transferim i veprimtarisë ekonomike rastet e mëposhtme,

Marrësi i transferimit duhet të konsiderohet si pasardhësi i transferuesit dhe duhet të vazhdojë të shfrytëzojë tërësinë e transferuar në një formë apo një tjetër. Megjithatë, nuk kërkohet që ai të ketë ushtruar paraprakisht të njëjtin aktivitet me transferuesin apo të vazhdojë më pas në mënyrë strikte të njëjtin aktivitet me atë që ka ushtruar më parë transferuesi.

Pas transferimit duhet të sigurohet, pavaresia e aseteve që transferohen, si një transferim tërësor të aseteve ose si transferim i një tërësie të pjesshme.

Në përputhje me këtë parim, konsiderohet si transferim i tërësisë së aseteve apo një pjese të tyre që kryhen në kuadrin e një bashkimi, përthithje apo ndarje dhe kontributet e pjesshme të aseteve të konstatuara për shembull në rastin e ristrukturimit të një grupi (kontributet e një dege të plotë aktiviteti).

Gjithashtu e rëndësishme është që të dy personat e tatueshëm të jenë pagues të TVSH dhe ky proces nuk realizohet pa TVSH, në rast se përfitues është një person i tatueshëm i përjashtuar nga TVSH.

Mosaplikimi i TVSH-së lejohet kur transferimi realizohet mes dy personave, kur njëri prej tyre ose të dy kanë cilësinë e tatimpaguesit të pjesshëm për tërësinë e transferuar. Gjithashtu marrësi i transferimit, duhet të kryejë, për mallrat e investimit të transferuara brenda afatit të rregullimit, rregullimet e TVSH-së të zbritur më parë.

Transferimi i veprimtarisë zbatohet për tërësinë e aseteve (të mallrave dhe shërbimeve) që i përkasin tërësisë së transferuar, ose tërësisë së pjesshme të transferuar, cilado qoftë natyra e tyre.

Tërësia e aseteve të një personi të tatueshëm në një veprimtari ekonomike përbën fondin e investimit, i cili përfshin stokun, pasurinë e paluajtshme, aktive të trupëzuara, ose të patrupëzuara, patentat e ndryshme, kontratat e punësimit, etj.

Kalimi (transferimi) i fondit të investimit apo i një pjese të tij mund të jetë kundrejt pagesës ose jo, ose në formën e një kontributi në një sipërmarrje të caktuar.

Dhënia e një elementi të ndarë nga fondi (marka, licenca…), kryer kundrejt pagesës përbën një transaksion të tatueshëm.

Qiradhënia e fondit të investimit (klientela, blerësit rastësorë, e drejta e qiradhënies, logoja, emri tregtar, marka e fabrikës, licencat, mallrat e luajtshme, mjetet, materiali…) përbën një furnizim shërbimi të kryer kundrejt pagesës që tatohet me TVSH. Ky transaksion përbën për qiradhënësin një mënyrë shfrytëzimi të aktivit të tij tregtar, e cila i jep këtij operacioni një karakter tregtar duke e bërë të tatueshëm me TVSH.

Keto jane kushtet ekonomike qe duhet te plotesohen(pa trajtuar anen proceduriale te procesit) per trajtimin fiscal ne lidhje me TVSH-ne , te procesit te transferimit te aktivitetit ekonomik.

*Kontabël i Miratuar