web counter
LEXO PA REKLAMA!

SHKARKO APP

App Store
Google Play

Video/ Dubai prezanton taksitë pa shofer

27 Shtator 2017, 22:35, Aktualitet CNA

Qyteti më i madh dhe më i populluar në Emiratet e Bashkuara Arabe, Dubai, kohët e fundit ka përfunduar me sukses raundin e parë të testimit të taksive elektrike pa shofer! Ky test nxiti shumë interes dhe për Elon Musk, Drejtori i Përgjithshëm i Tesla, i cili e ka vëzhguar nga afër.

Detyra e parë e testimit ishte e suksesshme megjithatë duhet të theksohet se nuk ka pasur pasagjerë të përfshirë. Sipas Agjencisë së Trafikut në Dubai, automjeti u shtri nga pika A në pikën B pa asnjë problem. Makina e testimit me përpikmëri dhe saktësi arriti të përballonte trafikun.

Prototipi i përdorur për testimin e parë vjen nga një prodhues automjetesh gjermane. Mjeti i projektuar posaçërisht për këtë qëllim mund të shkojë 100 kilometra në orë për 30 minuta drejt.

Zyrtarët e Dubait deklaruan se planifikojnë të integrojnë makinat pa shoferë në rrjetin e transportit së bashku me metrotë, autobusët dhe tramvajet. Zyrtarët premtuan një aplikacion që do të përdoret për t’i prenotuar këto makina. Pasagjerët do të jenë në gjendje të thërrasin një taksi dhe ta ndjekin atë në ekran falë aplikacionit. Është diçka e ngjashme me Uber, por jo saktësisht e njëjtë.

Zyrtarët gjithashtu deklaruan se synojnë të kalojnë pesë vjet duke testuar këtë koncept në mënyrë që të marrin të gjitha masat parandaluese në mënyrë që të parandalojnë aksidentet e mundshme.

Ata gjithashtu planifikojnë të aplikojnë ligje të reja që do t’i përshtaten këtij lloji të ri të transportit./CityNews





Lajmet e fundit nga