web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e grupit të PD / Basha harron deputetët e shitur

25 Shtator 2017, 18:50, Aktualitet CNA

Partia Demokratike ka mbledhur sot pasdite grupin e saj parlamentar. Kjo është mbledhja e tretë pas skandalit të gati tre javëve më parë ku të paktën 5 deputetë të PD-së votuan për zgjedhjen e Gramoz Ruçit si Kryetar i Kuvendit.

Në mbledhjen e sotme as Lulzim Basha dhe asnjë deputet tjetër nuk kanë hapur diskutimin për të gjetur deputetët që u shitën tek Edi Rama për më tepër, asnjë deputet i PD-së përfshirë dhe vetë kryetarin nuk kanë asnjë iniciativë për të gjetur se kush janë personat që votuan Gramoz Ruçin, janë blerë, janë shitur apo votat u manipuluan nga Partia Socialiste.

Në PD ka dy qëndrime, ai i Sali Berishës dhe deputetët e shitur dhe  i disa mbështësve të Lulzim Bashës se votat u manipuluan. Në fakt Gramoz Ruçi mori të paktën 5 vota nga deputetët e PD dhe Lulzim Basha kërkon ta kalojë në heshtje skandalin duke mos e përmendur në mbledhjen e grupit parlamentar, duke mos kërkuar ngritjen e  një komisioni hetimor që do të zbardhte dhe faktonte minimalisht shitjen e deputetëve të PD-së dhe më pas, do të ishte vetë Basha pas një investigimi të plotë që do të kërkonte përjashtimin e deputetëve të tij.

Kjo nuk ndodhi dhe nuk ka për të ndodhur pasi është vetë kryetari i PD-së ai që ka urdhëruar disa deputetë të tij të rinj që të votojnë Gramoz Ruçin për ti treguar Edi Ramës se marrëveshja vazhdon. /CityNews





Lajmet e fundit nga