web counter
LEXO PA REKLAMA!

SHKARKO APP

App Store
Google Play

Momenti kur Sigurimi i Shtetit ndaloi At Zef Pllumin që donte të arratisej(Foto)

24 Shtator 2017, 13:53, Aktualitet CNA

Ish-drejtori i Arkivës së Ministrisë së Brendshme, Kastriot Dervishi, nëpërmjet një postimi në rrjetin social, ka sjell detaje dhe foton nga momenti i arrestimit për të dytën herë i At Zef Pllumit, që i  kushtoi atij 25 vite burg.

 Postimi i plotë i Kastriot Dervishit

Në Shqipërinë komuniste nuk ishin vetëm njerëzit e regjimit keqbërës. Propaganda krijoi ?njeriun e ri?, shërbëtorin më të verbër ndaj atij sistemi.

?Njeriu i ri? i droguar nga ideologjia komuniste, përkundrejt një teneqeje dekoratë, apo të lavdërimi, kujtonte se duke i bërë keq tjetrit i shërbente atdheut. Historia që po tregoj është e vitit 1967, kohën kur Shqipëria komuniste mbylli institucionet fetare dhe goditi gjithë klerin e vendit. Njëri prej këtyre klerikëve, Zef Pllumi, duke mos e duruar dot atë gjendje, provoi të arratisej nga Shqipëria nëpërmjet kufirit tokësor në Rrethin e Shkodrës.

 U nis i vetëm drejt kufirit. Mori drejtimin e Qafës së Pejës. Arriti t?i shpëtojë syrit të rojeve kufitare të postës së Thethit, por jo syrit të ?njeriut të ri?. Në bjeshkët e Nikçit ?njeriu i ri?, vigjilonte.

Tetë punonjës të ndërmarrjes së pyjeve e pikasën dhe kërkuan dokumentin që duhej për të qarkulluar në ato zona.

Ata dyshuan dhe e shoqëruan. Procesverbali ?për kapjen e personit të dyshimtë Zef Gjeto Pllumi? u hartua nga kryetari i këshillit popullor të zonës, tekniku i pyjeve, kryetari i kooperativës Nikç dhe sekretari i organizatës bazë të partisë. Tekniku i pyjeve (i fotos), i përkushtuar deri në fund për realizimin e poshtërisë së tij, me dy punëtorë dhe dy pushkatarë e dërgoi At Zefin në Tamarë, pikërisht atje ku do ta merrnin njerëzit e specializuar të regjimit, të cilët do t?i jepnin dënimin e dytë me 25 vjet burgim.

At Zef Pllumi u burgos dy herë nga regjimi komunist në periudhat: 15.10.1946-15.10.1949 dhe 27.9.1967-11.4.1989. Kësisoj qëndroi 25 vjet i burgosur.

Fotoja që bashkëlidhet tregon çastin e ndalimit të At Zef Pllumit, më 27 shtator 1967. Tekniku me emrin Marash në emër të ?njeriut të ri?.





Lajmet e fundit nga