web counter
LEXO PA REKLAMA!

SHKARKO APP

App Store
Google Play

Bushati-Greminger: Të thellojmë bashkëpunimin për reformat madhore në vend

20 Shtator 2017, 10:01, Aktualitet CNA

Ministri për Evropën dhe Punët e Jashtme, Ditmir Bushati gjatë qëndrimit në Neë York ka zhvilluar një sërë takimesh. Ministri Bushati ndodhet në New York në punimet e sesionit të 72-te të Asamblesë së Përgjithshëm të OKB-së.

Ministri Bushati zhvilloi një takim me Sekretarin e Përgjithshme të OSBE,  Thomas Greminger. Ministri Bushati e uroi Sekretarin e ri të Përgjithshëm të OSBE për detyrën dhe i ofroi gatishmërinë e Shqipërisë për ndihmë dhe bashkëpunim në arritjen e objektivave të organizatës.

Në takim u diskutua mbi situatën e sigurisë dhe çështje të tjera që preokupojnë hapësirën e OSBE-së dhe u pajtuan në nevojën e angazhimit edhe më të madh të Organizatës për adresimin e krizave, me synim shfrytëzimin e plotë të potencialit të saj për të forcuar dhe zgjeruar bashkëpunimin mes vendeve anëtare. Ministri Bushati nënvizoi ecurinë e bashkëpunimit midis Shqipërisë dhe OSBE-së në mbështetje të reformave madhore në vend.

Ministri për Evropën dhe Punët e Jashtme, Ditmir Bushati pati gjithashtu një takim me Ministrin e Punëve të Jashtme të Tunizisë, Khemaies Jhinaoui.

Ministrat ranë dakord për të shtuar kontaktet e shfrytëzuar më shumë mundësitë për zhvillimin e marrëdhënieve dypalëshe. Për këtë, Ministri Bushati e ftoi homologun e tij për një vizitë në Shqipëri.

Në përfundim të takimit, Ministrat nënshkruan marrëveshjen për heqjen e vizave për pasaportat Diplomatike./ CityNews





Lajmet e fundit nga