web counter
LEXO PA REKLAMA!

SHKARKO APP

App Store
Google Play

E fundit!

x

Qëlluan me armë zjarri në ajër, ndiqen penalisht disa persona

20 Shtator 2017, 07:42, Aktualitet CNA

Policia e Dibrës reagon në lidhje me një video të shfaqur në portalin online Jeta osh Qef, ku shfaqen disa persona duke qëlluar në ajër me armë zjarri. Policia nëpërmjet një njoftimi për shtyp ka bërë të ditur se specialistët për Hetimin e Krimit në Komisariatin e  Policisë Dibër, referuan materialet proceduriale  në Prokurorinë Pranë Gjykatës së Shkallës së Parë Dibër, për veprën penale “Mbajtia pa leje dhe prodhimi i armëve, shpërthyese dhe municionit”, neni 278 i Kodit Penal, dhe u bë shpallja në kërkim i shtetasve : E.R, 32 vjeç, banues në Tiranë, D.H, 29 vjeç, R.S, 31 vjeç,  E.V, 32 vjeç, të gjithë banues në Dibër dhe  ndiqet në gjendje të lirë shtetasi M.V, 33 vjeç, banues në Dibër.

Shpallja në kërkim e shtetasve të lartë përmendur dhe procedimi penal ndaj shtetasit M.V, është bërë pasi në videon e shfaqur në portalin Jeta osh Qef, këto shtetas kanë qëlluar me armë në një mal, akoma i paidentifikuar.
Sipas deklarimeve të shtetasit M.V, kjo video  është realizuar në një zone malore para shumë vitesh.

Shërbimet e Policisë  kanë ushtruar kontroll në banesat e shtetasve të lartëpërmendur  dhe nuk është gjetur asnjë send i kundraligjshëm.

Nga Strukturat e Polisisë së Dibrës vijon puna për përcaktimin e saktë të vendit dhe kohës se kur ka ndodhur ngjarja, si dhe për sqarmin dhe dokumentimin e plotë të këtij rasti.

Materialet proceduriale i kaluan Prokurorisë Pranë Gjykatës së Shkallës së Parë Dibër për ndjekie të mëtejshme.

Drejtoria Vendore e Policisë Dibër falenderon mediat për bashkëpunimin dhe fton cilindo   të denoncojë rastet e pa ligjshme, duke ju garantuar reagim të shpejtë profesional dhe  të paanshëm./ CityNews





Lajmet e fundit nga