web counter
LEXO PA REKLAMA!

SHKARKO APP

App Store
Google Play

Maqedoni/ Kuvendi në seancën e 16, debat të ashpër për ligjin e gjuhës shqipe

20 Shtator 2017, 09:45, Aktualitet CNA

  Kuvendi i Maqedonisw vazhdon debatin për Ligjin e gjuhës shqipe. Kjo është seanca e gjashtëmbëdhjet dhe, si zakonisht, deputetët opozitarë kanë kërkuar replika dhe kundërreplika pas çdo fjale, madje duke replikuar edhe mes veti.

Edhe në seancën e sotme, deputetët opozitarë e akuzuan shumicën për tendencë federalizimi të Maqedonisë, njofton ?Alsat M?. Ndërkohë mazhoranca e akuzoi opozitën për mashtrim të opinionit.

Sipas deputetit Pavle Bogoevski, ligji për shqipen nuk cenon Kushtetutën dhe se i njëjti përmbyll Marrëveshjen e Ohrit.

Kuvendi mori vendim që të vazhdohet me punë edhe pas orarit të zakonshëm. Ndërkohë, nga burime brenda deputetëve, ?Alsat M? mësoi se shumica parlamentare bashkë me Lëvizjen Besa janë në koordinim e sipër që deputetët që janë paraqitur për fjalë të tërhiqen.

Aktualisht propozim ligji është në leximin e parë. Debati në këtë seancë zgjat 10 ditë, ndërsa me kërkesë të 15 deputetëve mund të zgjas deri në 20 ditë.

Në leximin e dytë do të merren parasysh amendamentet, ndërsa në leximin e tretë nuk do të ketë diskutim, por do të shqyrtohen modalitetet për ndryshime të mundshme në nenet e ligjit.

Ndonëse me flamur Evropian, propozim Ligjin për gjuhën shqipe, deri në miratim e pret një procedurë thuajse e ngjashme me atë për shkarkimin e Prokurorit Publik.





Lajmet e fundit nga