web counter
LEXO PA REKLAMA!

SHKARKO APP

App Store
Google Play

E fundit!

x

Akti terrorist në Shkozë të Tiranës

15 Shtator 2017, 11:48, Aktualitet CNA

U njoha me rastin Shkozës, ku 150 shtëpi do të shemben për një projekt. Banorët janë revoltuar sepse shteti nuk iu jep dëmshpërblim me arsyetimin se shtëpitë janë të palegalizuara.

Kur prona krijohet materialisht, pra kur ndërtohet shtëpia, nuk ka rëndësi a ka apo jo leje. Ajo është tashmë pasuri e qytetarit. E ka statusin e pasurisë. Nuk ia jep shteti statusin e të qenit pasuri/pronë, pasi ketë status ajo e ka fituar kur është ndërtuar. Shteti, përmes legalizimit/certifikatës, vendos thjesht ta njohë si të tillë. Kaq ka në dorë shteti. Është njëlloj sikur një prind të mos e rregjistrojë fëmijën në Gjendjen Civile. Fëmija të rritet e të bëhet 18 vjeç. Shteti të zbulojë se ky person është i parregjistruar. Çfarë do të bëjë shteti me ketë person? Do ta shembë me fadromë? Do ta vrasë se s’ka leje për të ekzistuar? Jo. Do t’i japë një pasaportë. Se njeriu, nuk ka nevojë për lejen e shtetit që të marrë frymë, siç edhe prona nuk ka nevojë për lejen e shtetit për të qenë pronë, përderisa ndërtesa nuk është ndërtuar në tokë të zaptuar. Nuk e krijon shteti pronën, shteti veç ia konstaton ekzistencën pronës. Ky argument iu drejtohet atyre të cilët mendojnë se leja e ndërtimit është Zoti. Ndaj atyre 150 familjeve të Shkozës nuk mund t’iu shemben shtëpitë e të mos iu dëmshpërblehen, duke mos ua njohur si pronë. (Edhe dëmshpërblimi është paksa problematik, se paratë e qytetarëve do shpenzohen).

<<NUK E VENDOS SHTETI NËSE DIÇKA ËSHTË APO NUK ËSHTË PRONË>>.

Ta kuptojnë mirë ketë.

Kështu, shembja e 150 shtëpive pa dëmshpërblim duke mos i njohur si prona, është një akt terrorist i Edi Ramës dhe Erion Velisë mbi popullsinë.

Nga Indrit Vokshi  /Citynews





Lajmet e fundit nga