web counter
LEXO PA REKLAMA!

SHKARKO APP

App Store
Google Play

Peleshi sulmon Bashën/ Harrove bujqësinë

12 Shtator 2017, 17:52, Aktualitet CNA

Ministri i Bujqësisë Niko Peleshi ka kritikuar në fjalimin e tij në Parlament kreun e opozitës Lulzim Basha.

Peleshi tha se kreu i opozitës duhet të kishte mbajtur një fjalim historik sot, por nuk arriti të dilte nga kultura politike e krijimit nga 0. Për më tepër sipas Peleshit, opozita nuk foli asnjë fjalë për bujqësinë.

?Ne jemi sot në një moment që shqiptarët nuk meritojnë më një politikë tranzicioni. Marrëveshja e para pak kohëve na solli në një moment të mirë, më të mirin e këtyre 27 viteve do të thoja.  Në qoftë se dy krahët e politikës bëhen bashkë e nuk i tremben konkurrencës mes ideve, por përkundrazi synojnë ta ndërtojnë atje kapitalin politik, unë besoj se sot mund të jetë një ditë historike.  E në fakt sot ishte një moment historik kur kryetari i opozitës mund të mbante një fjalim historik.  Shqipëria mund të bëhet duke hequr dorë nga kultura e krijimit nga 0. Unë shpresoj se kjo frymë pavarësisht nga retorika e ditës mund të rikthehet në këtë parlament. Sepse në qoftë se ngelemi peng i kulturës së vjetër, pastaj një sektor i rëndësishëm si bujqësia nuk përmendet fare në fjalimet e opozitës.Bujqësia, ekonomia pyjore dhe peshkimi kontrbuojnë në GDP më shumë se 8%. E fillova me këtë shifër për të treguar se sa shumë ndikim ka bujqësia dhe zhvillimi rural.  Vizioni ynë për bujqësinë synon zhvillimin e kushteve për një sektor efikas të aftë për të përballuar kërkesën dhe ofertën.

Rritja e produktivitetit të fermave të mëdha do të mbështetet me më shumë se 70 milionë euro?,- tha ndër të tjera në fjalën e tij Peleshi./Citynews





Lajmet e fundit nga