web counter
LEXO PA REKLAMA!

SHKARKO APP

App Store
Google Play

E fundit!

x

PE nuk e “bekon” Qeverinë Haradinaj/Ja çfarë i adreson nënkryetarja Lunaçek

12 Shtator 2017, 17:23, Aktualitet CNA

Duke komentuar mbi qeverinë e sapozgjedhur të Kosovës, eurodeputetja e të gjelbërtve, njëherësh dhe nënkryetare e Parlamentit Evropian e raportuese për Kosovën në PE, Ulrike Lunacek, është shprehur se Qeveria e re e Kosovës duhet të fillojë trajtimin e problemeve urgjente të Kosovës, që nga dita e parë.

Duke ju referuar deklaratës së saj, ?Bota sot? sjell në ligjëratë të drejtë mesazhin e Lunacek:

“Një rrugëdalje nga kriza ekonomike, iniciativa për tërheqjen e investimeve, krijimi i vendeve të reja të punës, veçanërisht në fushën e burimeve të ripërtëritshme dhe efikasitetin e energjisë dhe përmirësimin e shërbimeve në sektorin e shëndetësisë dhe arsimit për qytetarët”.

Ajo më tej ka nënvizuar se sigurisht që institucionet dhe sundimi i ligjit duhet të forcohen, duhet të intensifikohet e drejta kundër korrupsionit dhe krimit të organizuar, gjë e domosdoshme kjo për të bërë të mundur që BE të vazhdojmë me liberalizimin e vizave për qytetarët e Kosovës.

Por Lunacek i përkujton Haradinajt Demarkacionin duke thënë ” Siç dihet mirë është ratifikimi i shpejtë i marrëveshjes së demarkacionit kufitar me Malin e Zi nga ana e Kuvendit.”

“Sa i përket marrëdhënieve me Serbinë fqinje, gjej faktin se Lista Srpska ka votuar për ish-Udhëheqësin e UÇK-së Ramush Haradinaj si Kryeministër një sinjal pozitiv për vazhdimin e dialogut të lehtësuar nga BE-ja ndërmjet Republikës së Kosovës dhe Serbisë: “Realizmi” është gjithashtu çfarë kërkon presidenti serb Vuçiç, kështu që shpresoj se përparimi në rrugën e tij!” përfundon deklaratën Ulrike Lunacek.





Lajmet e fundit nga