E fundit!

14:36 Aktualitet

Rama para samitit BE-Ballkani Perëndimor: Tri gjëra nuk parashikohen, Zoti, seksi dhe BE-ja

Kryeministri Edi Rama ka komentuar procesin e integrimit t...

Terrori në Elbasan?/ Gazetari Kikia i ‘tërheq veshin’ medias

12 Shtator 2017, 14:30, Aktualitet CNA

Lajmi mbrëmjen e djeshme se në Elbasan bandat po terrorizojnë qytetin bëri jehonë në media dhe te qytetarët.

Denocimi ishte dërguar në adresë të ish-kryeministrit Berisha dhe thuhej se në këtë qytet disa banda të lidhura me politikën nuk pyesin për ligj e për shtet.

Gazetari Mentor Kikia i ka tërhequr veshin medias lidhur me mënyrën e përçuarjes së lajmit pasi sipas tij krijohet panik edhe pa patur.

REAGIMI I MENTOR KIKISË

?Të dashur kolegë, kjo nuk është media

Mbrëmë, një i afërmi im nga Elbasani, që jeton prej vitesh në Kanada më shkruante i shqetësuar se çfarë po ndodhte në Elbasan. Ishte vonë dhe mendova se do të kishte ndodhur ndonjë ngjarje e rëndë dhe nuk kisha mësuar gjë. Më solli një link që tregonte një fytyrë me maskë, si kjo foto që po postoj unë, dhe me titull: ?Çpo ndodh në Elbasan? Qytetarët në terror dhe në mëshirë të bandave të armatosura deri në dhëmbë?. E lexova shpejt e shpejt. Ishte një postim i Sali Berishës. Një nga ato mesazhet që i dërgojnë ?qytetarët dixhitalë?, që i shkruante se në Elbasan banditët lëvizin me makina të blinduara dhe se policia nuk ndërhyn sepse është e lidhur me ta, etj etj. Ky postim ishte marrë nga mediat online dhe ishte bërë lajm. Që ka kriminelë që lëvizin me makmina të blinduara, në Elbnasan e kudo, kjo dihet së është e vërtetë. Por ?lajmi? të linte të kuptoje se ?maskat e armatosura deri në dhëmë? kishin dalë në bulevard e po bënin masakra.
Berisha bën politikë, dhe mund ti lejohet të postojë ?lajme? të pa verifikuara. Por medias jo, media informon. Dhe jo cdo gjë që poston Berisha apo kushdo tjetër, mund të merret copy-paste e të ambalazhohet si lajm.
Kolegë, e kuptoni se çfarë jemi duke i bërë lajmit? E Kuptoni se kemi përfunduar në atë derexhe sa të quhet lajm çdo thashethem që hidhet në rrjetet sociale? E kuptoni sa pak përgjegjshmëri ka mbetur në gazetarinë tonë? Ne kemi mësuar se lajmi duhet të konfirmohet nga 3 burime, por këtu s?kemi as lajm as burime.
Duhet të kemi pak më shumë respekt për këtë profesion që bëjmë. Nuk është kaq i parëndësishëm që të tallemi me të, sepse ne marrim për sipër të informojnë ata që na shikojnë e na lexojnë?,- përfundon gazetari Kikia.

/Citynews