web counter
LEXO PA REKLAMA!

SHKARKO APP

App Store
Google Play

E fundit!

x

Uraganet trondisin kompanitë e sigurimeve/ Vetëm në SHBA 300 miliard dëme

12 Shtator 2017, 16:37, Aktualitet CNA

Kompanitë më të mëdha botërore të sigurimeve, mbledhur në një kongres në Monako, kanë filluar të shqetësohen për faturën që do të shkaktojnë uraganët Harvey dhe Irma, në një kohë kur sektori është vënë nën presion nga një rënie e çmimeve dhe përqindjeve.

?Harvey? dhe ?Irma? janë ngjarje të rëndësishme për industrinë. Ato do të dominojnë diskutimet këtu në Monte Karlo?, deklaroi Torsten Jeworrek, një prej drejtuesve të kompanisë gjermane të sigurimeve ?Munich Re?.

Pas shkatërrimi të disa ishujve të Antileve, ?Irma? goditit dje ishujt turistikë në Florida dhe arriti sot në bregun perëndimor të shtetit amerikan.

Në fund të gushtit, uragani Harvey shkaktoi dëme të mëdha në Teksas dhe Luizianë.

?Vetëm në SHBA, këto katastrofa kanë shkaktuar 300 miliardë dëme?, theksoi shërbimi meteorologjik privat ?Accuweather?.

?Vetëm një pjesë e kostos do të mbulohet dhe është ende herët për të vlerësuar saktë faturën totale që do të duhet të paguajnë kompanitë e sigurimeve?, sipas pjesës më të madhe të specialistëve të pranishëm në Monako, përcjell ATSH.

Përmasa e këtyre uraganeve rrezikon të vendosë nën presion një numër kompanish, tashmë të prekura nga vështirësitë financiare.

Tregu i sigurimeve po vuan që prej disa vitesh nga një mjedis i përqindjeve të ulëta që limiton fitimet mbi shumat e vendosura ndërkohë që konkurrenca brenda sektorit i shtyn tarifat drejt uljes.





Lajmet e fundit nga