E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Vrau ish-bashkëshorten/ Fadil Kasemi del para gjykatës, u fshihet mediave

3 Shtator 2017, 11:26, Aktualitet CNA

Ka dalë para gjykatës vrasësi i ish-bashkëshortes Fildes Hafizi.

Fadil Kasemi është nxjerrë sot para trupës gjyqësore vetëm 4 ditë pas krimit të rëndë të ndodhur në zonën e Xhamllikut në Tiranë ku ai qëlloi me 2 plumba në kokë ish-bashkëshorten e tij me profesion gjykatëse.

Në bazë të dosjes së Prokurorisë, Kasemi akuzohet për 3 vepra penale që janë;

?Vrasja për shkak të lidhjeve familjare?, ?Rrëmbim personi? dhe ?Armëmbajtje pa leje?.

Në bankën e të akuzuarit, Kasemi është përpjekur të fshihet për të mos dalë në kamerat që kishin mbushur sallën si dhe fotografët e pranishëm.

Në fund të seancës gjykata e ka lënë në burg Kasemin, i cili pranoi edhe krimin, por pa shfaqur shenja pendese.

Më poshtë është një pjesë e dosjes së Prokurorisë që përcjell disa detaje nga krimi i ndodhur pak ditë më parë:

?
Me datë 31.08.2017, rreth orës 13:50, në rrugën ?Xhanfize Keko?, Tiranë, në kohën që shtetasja Fildez Hafizi, banuese në Tiranë, njëkohësisht me detyrë gjyqtare pranë Gjykatës së Rrethit Gjyqësor Shkodër, ka dalë nga parukeria ?S?..? dhe është futur brenda në automjetin e saj të parkuar aty pranë, benz me targa AA 880 OS, në këtë kohë është afruar ish bashkëshorti i saj, shtetasi Fadil Kasemi me një pistoletë në dorë dhe ka qëlluar me armë në drejtim të shtetases Fildeze Hafizi, duke e lënë të vdekur në vend. Më pas shtetasi Fadil Kasemi me psitoletën në dorë i ka dalë përpara një automjeti të rastit që po udhëtonte në drejtim të rrugës Bardhyl, automjetit furgon benz mercedez, me targa XXXX, që drejtohej nga shtetasi K.T., të cilit i ka thënë se kishte vrarë bashkëshorten e tij dhe nën kërcënimin e armës i ka kërkuar atij që ta largonte nga vendi i ngjarjes duke hypur brenda në automjet. Gjatë udhëtimit shtetasi K.T., ka përshkuar rrugën që të dërgonte pranë Komisariatit të Policisë nr.1 Tiranë. Në kohën që i është afruar Komisariatit shtetasi K.T. e ka futur menjëhërë automjetin e tij brenda në ambjentet e Komisariatit të Policisë ku në këtë moment janë afruar menjëhërë punonjësit e policisë, të cilët kanë ndërhyrë dhe kanë bërë kapjen në flagrancë të shtetasit Fadil Kasemi duke i hequr armën pistoletë që mbante në duar.

I pyetur për faktin e ngjarjes, personi i arrestuar Fadil Kasemi, në praninë e një mbrojtësi kryesisht, pasi është njohur me letrën e të drejtave si person i arrestuar, ai nuk ka pranuar të flasë për faktin dhe rrethanat e ngjarjes.

Ne keto kushte, nga ana e Prokurorise per Krime te Renda kerkohet:

Të caktohet ndaj shtetasit Fadil Kasemi masa e sigurimit ?arrest në burg?, parashikuar nga neni 238 i K.Pr.Penale, i dyshuar për kryerjen e veprave penale ?Vrasja për shkak të marrëdhënieve familjare? dhe ?Prodhimi dhe mbajtja pa leje e armëve luftarake dhe e municionit?, ?Rrëmbimi ose mbajtja peng e personit?, parashikuara nga nenet 79/c dhe 278/1 dhe 109/1 të Kodit Penal?,- thuhet në dosjen e prokurorisë.

/Citynews