Nga Artur AJAZI/ Rendi në kaos, policët qarkullojnë me makina me targa të huaja

26 Gusht 2017, 13:26, Aktualitet CNA

?Të fortët? miqtë e tyre, lëvizin me armë si dikur kaubojsat

Rrugëve dhe rrigicave të Durrësit, qytetit ku rendi mbetet në kaos, pothuajse çdo ditë do të shikosh makina policësh pa targa, me targa fallco, ose me targa të huaja, shenjë e keqe e mosfunksionimit të shtetit në institucionet e rendit dhe sigurisë. Si mund të besosh se një polici e tillë, do të sigurojë rendin dhe qetësinë e qytetarëve në një qytet të trazuar nga krimet, kur shikon policë të hipur dhe që lëvizin me makina me targa fallco apo me targa të huaja. E ndërsa trafiku rrugor në Durrës mbetet i çoroditur, i pastabilizuar, shumica e policëve , lëvizin edhe me makina pa targa.

Ka prej tyre që disponojnë automjete të tipeve të ndryshme, me targa të huaja, me targa fallco, madje të parkuara edhe në sheshin para Drejtorisë Policisë Qarkut. Prej disa kohësh trafiku rrugor në akset rrugore të qytetit të Durresit, gjendet në kaos, si pasojë e mungesës së sinjalistikës. Edhe pse janë shtruar nga e para pothuajse të gjitha akset rrugore, duket se Policia e Qarkullimit Rrugor mbetet e pazotë dhe e pafuqishme të menaxhojë trafikun në rrugët e Durresit, hyrje-daljet dhe akset kryesore e dytësore, dhe të vendosë ligjin edhe për efektivat e saj që lëvizin me makina të ?falura? apo të marra për favore të tjera, me targa krejtësisht fallco.

Pavarsisht se efektivat e këtij sektori janë ?rinovuar?, pavarsisht se kanë marrë dhe vazhdojnë të marrin mjete motorrike dhe logjistikë të re, sërish konstatohet kaos, mungesë sinjalistike rrugore, mungesë profesionizmi, në drejtimin dhe menaxhimin e trafikut dhe rasteve problematike që ndodhin çdo ditë. Qytetarët që nuk posedojnë makina duken të shqetësuar dhe shprehen se ?policia e Rendit dhe ajo e Qarkullimit Rrugor më tepër merret me ne, dhe jo me shoferët e papërgjegjshëm, me ata që bllokojnë trotuaret, që bllokojnë rrugët dhe kryqëzimet, me ata që krijojnë kaos dhe zhurma akustike, dhe që tallen, apo me efektivat e tyre që lëvizin me makina pa targa?. Por shqetësim shprehin edhe shumë këmbësorë.

Shoferët e rregullt në çdo rast gjobiten dhe trajtohen sikur të ishin lecka, dhe kjo vjen nga mungesa e edukatës, kulturës, dhe komunikimi profesional që kanë shpesh policët. Efektivat e policisë i shikon shpesh tek merren me shoferët e thyer në moshë dhe bëjnë veshin ?shurdhër? dhe syrin ?qorr? kur para tyre kalojnë makina me shpejtësi të madhe, apo tek krijojnë vargun e gjatë të trafikut kur ndalojnë paralel në mes të rrugëve dhe llafosin me miqtë e tyre pa zbritur apo pa hapur krahun sipas rregullores. Mungesa e rregullit, e zbatimit të ligjit, e zbatimit të rregulloreve nga poseduesit e makinave kryesisht nga ata që bëhen shpesh problematikë në rrugët dhe trotuaret e Durresit, ka nxjerrë në shesh mungesa dhe paaftësinë e efektivave të policisë.

Nga ky sektor mungon edhe angazhimi dhe projektet lidhur me vendosjen dhe disiplinimin e trafikut në akset rrugore . Shpesh qytetarët telefonojnë dhe ankohen për zaptimin e trotuareve dhe kthimin e tyre në vende parkimi nga dhjetra automjete, (shpesh edhe makina policësh) por kur vjen polici rrugor, ka frikë ose mik poseduesin e mjetit dhe problem mbyllet me ?marrëveshje?. Durresi dhe qytetarët e tij kërkojnë nga policia përgjegjshmëri dhe zbatimin e ligjit dhe rregulloreve për cilindo që gabon, dhe ngritjen e nivelit profesional të efektivave. Kjo e fundit, shpesh ka sjellë incidente dhe raste ekstreme mes vetë efektivave, apo edhe më keq akoma, mes tyre dhe qytetarëve./CityNews