web counter
LEXO PA REKLAMA!

SHKARKO APP

App Store
Google Play

E fundit!

x

Emrat/Kush janë të rinjtë korçarë që u vranë në kufi me Greqinë

23 Gusht 2017, 19:36, Aktualitet CNA

Ish-drejtori i Arkivit në Ministrinë e Brendshme, Kastriot Dervishi, ka zbuluar emrat e të rinjve korçarë dhe kolonjarë, që u vranë mëngjesin e 23 gushtit 1990.

Në rrjetet sociale, Dervishi publikon emrat e viktimave dhe foto nga ngjarja në postën kufitare të Rehovës, ku të rinjtë po i ishin drejtuar kufirit me Greqinë.

Statusi i plotë:

Vrasja e të rinjve korçarë dhe kolonjarë në kufi më 23 gusht 1990
Në orët e para të mëngjesit të datës 23 gushtit 1990, të rinjtë nga Korça largohen nga hoteli (në Ersekë) ku qëndronin dhe bashkë me shokët e tjerë nga Erseka i drejtohen kufirit me Greqinë në postën kufitare të Rehovës. Grupi i të rinjve qëllohet nga njësiti i postës kufitare. Si përfundim,
U vranë:
Petrit Bashkim Ajdini nga Korça, 26 vjeç
Artur Xhevahir Kërcelli nga Korça, 25 vjeç
Niko Stefan Joti nga Erseka, 24 vjeç
Safet Irfan Rrapo nga Erseka, 31 vjeç
U arrestua Avni Sami Rumi, 27 vjeç nga Kolonja, i cili u dënua me 4 vjet burgim. Realizoi arratisjen vetëm Pandush Thanas Nica, 29 vjeç nga Korça. Kufoma e Safet Rrapos u gjet më vonë pasi kishte marrë edhe dëmtimet e rënies nga shkëmbi. Si rrallë herë, trupat e pajetë të të rinjve iu kthyen familjeve. Ceremonia e varrimit në Korçë ndaj dy të rinjve u kthye në një demonstratë të fuqishme antikomuniste. Për këtë arsye u ndaluan 12 persona, të cilët janë dënuar.
Ky postim u kushtohet kujtimet të këtyre të rinjve që humbën jetën në moshë të re në mënyrë tragjike, pikërisht atëherë kur mendonin se Shqipëria po ndryshonte. Fotografitë janë të ngjarjes së 23 gushtit 1990./CityNews





Lajmet e fundit nga