web counter
LEXO PA REKLAMA!

SHKARKO APP

Shqiptarët të varfër dhe të lumtur!/ Ish-kreu i LSI: Zhiva e Eurobarometrit e përzier me kanabis

14 Gusht 2017, 14:14, Aktualitet CNA

Kreu i Grupit Parlamentar të LSI, Petrit Vasili ka ironizuar rezultatet e një ankete të bërë nga Bashkimi Evropian, ku rezulton se shqiptarët janë të lumtur edhe pse të varfër.

Vasili shkruan se zhiva e Eurobarometrit do jetë e përzier me kanabis sepse nuk ka mundësi që shqiptarët të jenë kaq të gëzuar që janë të varfër.

?Eurobarometri na tregon se shqiptaret na qenkan shumë të lumtur, sepse janë shumë të varfër.

Eurobarometri na thotë edhe që megjithëse janë tre herë e kusur më të varfër se europianet, prapë së prapë shqiptarët qenkan shumë të gëzuar që janë kaq të varfër.

Barometrat punojnë me zhivë dhe kjo zhiva e eurobarometrit do të jetë me siguri e përzierë me kanabis, nga ajo që trazon mendjen dhe xhepat e disave….

Gallupi na thotë qartë, që shqiptaret duan të ikin në masë nga Shqipëria, por Gallupi përdor zhivë të pastër me sa duket?, shkruan Vasili./CityNews





Lajmet e fundit nga