"FARMAK'HABER" NGA BASH'KAZAJA

14 Gusht 2017, 12:28, Aktualitet CNA

Sipas disa të dhënash, rezulton se Kali i Kastriotit ka bigëzuar veshët, sapo ka parë dunën e shkretirës në vend të sheshit të dikurshëm.

Ç’eshtë ky grumbull m… këtu? Vetëm kaq ka hingëllirë me hidhërim doriu i 30 betejave mbi turqelinë, 29 prej të cilave i ka fituar, për 25 vjet me radhë. Pas kësaj i ka bërë me dije Kalorësit abdikimin e parevokueshëm.

Fill mbas vringëllimës së këtij thashethemi, Veli’ogllu i Bash’kazasë, ka thirrur kamerat, për të asistuar mbledhjen me urgjencë te sektorit të “policisë së majdanozit” dhe ka kërryer fjalim me transparencë: “…Policët e majdanozit, janë “jeniçerët” tanë, të aftë e të stërvitur në luftën e shenjtë kundër “arnautëve” të cilët janë lindur të “farmakojnë” neoPerandorinë. E sipas gjasave këta, kanë ndërruar strategji, në vend të barishteve kanë filluar te perhapin lajme të papastra…,me tufa dhe kausha.

Zbulimi, identifikimi dhe asgjësimi i tyre është…,detyrë mbi detyrat.”

Shumëkujt gjatë fjalimit, nisur nga perdorimi i fjalës bar e farmak, u shkoi mendja tek Timonieri i cili me “izëm” (votë) të miletit mbasi i’a hipi prap guvernës shqiptare per kater vjet të tjera, u ka shpallur luftë barishteve të këqija helmuese, që “ufot” kanë mbjellë neper albanistan.

Po nuk doli kështu. Vijimi i ligjërimit para jeniçerëve të majdanozit, i shqeu katër sytë informacionit, duke tejkalu çdo parashikim. “…Në fund të fundit një kalë edhe pse legjendar, mund të japë dorëheqje. -vazhdoi Veli-ogllu.-Çeshtje personale, ose animale, siç e thonë studjuesit. Jemi në demokraci dhe askush nuk mban dikë me zor mbi panteon qoftë ky kalë, apo vetë Kalorësi.”

-Qyre, qyre,- u dëgjuan pëshpëshe nën zë. – alla’hè ky ja ka mbërrit e kalu edhe vetë të parit te rilindjes.

Megjithatë as fjalimi, shfryrja e kalit, abdikimi i Tij, apo i vetë Kalorësit, nuk po dilnin shqetsimi i madh ose farmak’haberi i Tij.

Thembra e shqetsimit, dmth “farmak’haberi” konsiston në atë se dikush nga defter’mediat mbasi e ka shtier’ në dorë, ka përbotnuar bash-njoftimin me dy pllanet sekrete dërguar hirësisë së tij “timonierit” i cili ndodhet me detyrën e lartë të patriotike për shëndet e humor të mirë në “hamamet” e Jonit.
Republika Albanistanit
Bash’kazaja
Tiranë. (Sekret)

“…I dashur Timonier, drita dhe fatbardhësia e këtij vendi.
Po ju bëjmë me dije se viti 2018, është vit’ i dy jubileve të mëdhenj. 550 vjetori i vdekjes së atij haramit, Kastriotit dhe 70 vjetori i prishjes me baba Titon.

Në këtë kuadër, po ju nis me dorë të sigurtë, dy pllane masash që u paraprijnë këtyre eventeve.
-Pllani A;

Meqënëse ka thashetheme per formën e sheshit, kam vendos thirrjen e menjëhershme të Odhiseut, Andreut dhe Janaq-eut, tu jepet detyra e gdhendjes së një deve-je madhështore, muskuloze dhe krenare në vend të Kalit.

Në rastin më të keq që dhe Kalorësi do të hedhë vickla për gamilen, do e detyrojmë të japë dhe Ay dorëheqjen, ndaj kam urdhëruar skulptorët e sipershënuar që mbi gamile të gdhendin Vetë hirësinë Tuaj, Timonierin e Moth’

-Pllani B
Për jubileun e dytë “Jugosllavinë e Re dhe për “ahengun” e moth’ po ju nis dhe preventivin bashkëngjitur me shpenzimet e nevojshme.

Post shenim:
Ky jubile mbas maksi-xhamisë, Dunës së Madhe, Hirësisë Tuaj mbi gamilë dhe rilindjes së Jugosllavisë, do të plotësohet jo vetëm amaneti i baba Sulltanit e “veqilëve” të tij per heqjen e miteve , po dhe profecia e Spiropales.

Aprovimin tuaj e presim me zemër të ngrirë, puthje dore, këmbësh, e…ku ta do qefi Ty.

Për Bash’kazanë Tiranës
Kreu, dora vetë./ Nga ZEF ZEFI