web counter
LEXO PA REKLAMA!

SHKARKO APP

App Store
Google Play

E fundit!

x

Qeveria e fantazisë së portaleve!

13 Gusht 2017, 10:19, Aktualitet CNA

Prej disa ditësh media të ndryshme,  portale po raportojnë një qeveri të re, një kabinet qeveritar që duket se edhe këtë herë nxjerr zbuluar drejtuesit apo pronarët e mediave për pazaret dhe lidhjet e ngushta me qeverinë.

Në fakt prej disa javësh, vetë kryeministri ka konfirmuar se do të ketë një kabinet më të vogël. Ka ngritur një grup pune, i cili po analizon të gjithë strukturën qeveritare, përfshirë agjensitë dhe inspektoriatet, një qeveri më e vogël dhe do tentohet të jetë edhe më eficente.

Por këto reagime të kryeministrit dhe artikulime publike kanë bërë që gazetarët dhe drejtues të disa portaleve të fillojnë të bëjnë qeveritë e tyre. Ajo që nuk gabojnë është që vendosin Edi Ramën kryeministër, të gjithë të tjerat i vendosin sipas qejfit. Saimir Tahirin një herë e gjen ministër Transportesh dhe një herë ministër i Mbrojtjes, Mimi Kodhelin një herë ministre të Mbrojtjes dhe një herë ministre Kulture dhe Arsimi, e kështu me radhë. Kanë filluar dhe për të marrë disa klimime më shumë këto ditë të nxehta vere, megjithëse sot ra shi, të bashkojnë mekanikisht ministri, bashkojnë inspektoriate, përdorin emra ministrash për të bërë qoka dhe asgjë më shumë se kaq.

Në fakt ka disa të vërteta që i përkasin ditëve të shkuara që lidhen me një takim të zhvilluar në Korçë, gjatë vizitës së kryeministrit Rama ku mendohet dhe u raportua se në një takim të mbajtur kokë më kokë me njerëzit përgjegjës për Reformën Strukturore, por më pas dhe një takimi në grup, kryeministri ka pranuar pjesën më të madhe të propozimeve për bashkime agjensisë dhe inspektoriatesh. Përtej këtij fakti, është dhe një deklaratë tjetër e kryeministrit  i cili gjatë fushatës së zgjedhjeve pranoi se ministri që do të rikthehej në detyrë ishte Fatmir Xhafaj.

Këto janë detajet që dihet dhe pjesë nga e vërteta, pjesa tjetër është një lojë e thashethemeve të portaleve apo e disa mediave që për hir të interesave personale çojnë një ministër në një institucion dhe një ministër në një institucion tjetër, i qarkullojnë dhe i emërojnë sipas dëshirës së tyre, një herë bëjnë 15, një herë 10 ministri, vendosin emra për të rritur paksa audiencën.

S?ka rëndësi, çudia më e madhe tre ditë zgjat. Kur të mblidhet qeveria e re dhe kur të bëhet votimi në parlament, ndoshta do të kemi një qeveri totalisht tjetër, por deri atëherë gjërat do të kenë rrjedhur. Këto lajme të sotme do të jenë harruar dhe qeveria do të jetë totalisht ndryshe.

Gjithsesi këto ditë na duhet një qeveri, qeveria e fantazisë… mund të quhet qeveria e fantazisë së portaleve./CityNews





Lajmet e fundit nga