web counter
LEXO PA REKLAMA!

SHKARKO APP

App Store
Google Play

Aksidentet me pasojë vdekjen në mëngjes/ Policia ka disa këshilla për drejtuesit e mjeteve

13 Gusht 2017, 10:12, Aktualitet CNA

Në orët e para të mëngjesit të sotëm ndodhën dy aksidente në aksin rrugor Lezhë-Shkodër dhe Peqin-Elbasan, ku mbetën të vdekur dy persona.

Forcat e policisë dyshojnë se shkaku i këtyre aksidenteve të jetë lagështira e rrugës për shkak të reshjeve gjatë natës.

Në lidhje me këtë situatë, Policia Rrugore ka reaguar dhe ka këshilluar drejtuesit e mjeteve që të jenë të kujdesshëm gjatë udhëtimit.

Më poshtë këshillat e policisë:

1.Të ruajnë kontrollin e mjetit dhe të kryejnë manovra të sigurta – Të qarkullojnë me shpejtësi konform segmentit rrugor dhe sinjalizimit përkatës.

2.Të përdorin rripat e sigurimit në mjete, kaskot mbrojtëse në motorrçikleta.

3.Të mos përdorin aparatet celulare gjatë drejtimit të mjeteve.

4.Të mos përdorin pije alkoolike në rast drejtimi të mjeteve.

5.Të bëjnë kujdes me këmbësoret që kryejnë kapërcimin e rrugës jashtë rregullave të qarkullimit rrugor.

6.Karvanet me makina të dasmorëve të respektojnë rregullat e lëvizjes, të mos parakalojnë, dasmorët të mos dalin nga dritaret pasi bëhen burim aksidenti./CityNews





Lajmet e fundit nga