web counter
LEXO PA REKLAMA!

SHKARKO APP

App Store
Google Play

E fundit!

x

Një ditë pas aksidentit/ Reagon Aqif Rakipi: Ja si ndodhi ngjarja

13 Gusht 2017, 11:00, Aktualitet CNA

Një ditë pas aksidentit me pasojë vdekjen e një 54- vjeçari, ka ardhur dhe reagimi i deputetit Afiq Rakipi.

Në një prononcim për Tirana Post, deputeti i PDIU Aqif Rakipi është shprehur se nuk ka qenë duke udhëtuar me shpejtësi. Sipas tij, 54-vjeçari Seit Sorra i ka prerë rrugën në fraksion të sekondës dhe pavarësisht përpjekjeve për të manovruar nuk ka mundur të shmangë aksidentin.

Për sa i përket akuzave politike të bëra nga PD, Rakipi u shpreh se nuk shqetësohet aspak, duke e cilësuar si absurd faktin të bësh politikë me një jetë të humbur.

Gjithashtu, Rakipi bëti të ditur se nuk është përpjekur në asnjë moment që të përdorë postin e tij si deputet, dhe aq më tepër të ndryshojë provat.

Deklarata e Rakipit

?E vetmja keqardhje dhe dhimbje është për jetën e humbur.

Nuk shqetësohem për akuzat e ulëta politike, aq më tepër kur bëhet fjalë për një jetë të humbur që dikush kujtohet të bëjë politikë edhe në fatkeqësi. Nuk dua fare t?i komentoj tani këto, jam i hidhëruar për atë që ndodhi.

Nuk kam qenë duke ecur shumë shpejt, makina është dëmtuar se jam përpjekur të manovroj.

Viktima ka kaluar në fraksion sekondi dhe nuk kam asgjë për të sqaruar sepse nuk kam bërë asnjë përpjekje të përdor pozicionin tim si deputet. Policia dhe prokuroria kanë aty provat dhe ata vendosin se si ka qenë ngjarja.

As nuk dua të ndikoj në këtë proces, ata të japin vendimin e tyre.

E vetmja keqardhje është për jetën e humbur dhe nuk ia uroj askujt t?i ndodhë një aksident i tillë.

Janë disa gjëra në jetë që nuk varen prej vullnetit tonë?.





Lajmet e fundit nga