web counter
LEXO PA REKLAMA!

SHKARKO APP

App Store
Google Play

Dëm shtetit 2 mln lekë/ KLSH padit zyrtarin e Bashkisë së Urës Vajgurore

12 Gusht 2017, 10:12, Aktualitet CNA

Kontrolli i Lartë i Shtetit ka nisur procedim penal ndaj një zyrtari në Bashkinë Ura Vajgurore pasi akuzohet për ?Shpërdorim detyre?.

Mësohet se pas auditimit të bërë në këtë Bashki për periudhën 01.01.2014 deri më 31.12.2016 janë konstatuar shkelje, duke i shkaktuar shtetti shqiptar një dëm prej 2 milion lekësh  dhe shpenzime me efekte negative në buxhet për vlerën 8,5 milion lekë.

Për këtë arsye KLSH ka kryer pranë Prokurorisë së Rrethit Gjyqësor Berat, një kallëzim penal ndaj E.C. në cilësinë e mbikëqyrësit të punimeve, për konsumimin e elementëve të veprës penale të ?Shpërdorimit të detyrës?.

Gjatë auditimit u konstatuan shkelje dhe parregullsi të dispozitave ligjore në fuqi në fushën e zbatimit të punimeve të ndërtimit, për procedurën e prokurimit ?Rehabilitim, Ndriçim, Gjelbërim i Shëtitores të Lagjes 18 ?Tetori?, ndër të cilat më kryesoret janë:

– Mos përmbushje të detyrës të ngarkuar dhe favorizim të sipërmarrësit të punimeve nëpërmjet deklarimit/situacionimit të punimeve fiktive të kryera në kontratën shtesë dhe përfitim të pa drejtë (punime të pakryera) për shoqërinë zbatuese të punimeve në vlerën prej 1,997,259 lekë pa TVSH;

– Mangësi të theksuara në dokumentacion tekniko-ligjor të dosjes të investimit (dokumente fiktive dhe që nuk pasqyrojnë realitetin), në kundërshtim me ligjin nr. 8402, datë 10.09.1998 ?Për Kontrollin dhe Disiplinimin e Punimeve të Ndërtimit?, me Udhëzimin nr. 2 datë 13.05.2005 ?Për zbatimin e punimeve të ndërtimit? dhe me Udhëzimin nr. 1, datë 16.06.2011 ?Për mbikëqyrjen dhe kolaudimin e punimeve të ndërtimit?.

KLSH njofton seme qëllim përmirësimin e situatës i ka rekomanduar Bashkisë Ura Vajgurore masa me karakter organizativ në lidhje me eleminimin e praktikave që kanë sjellë impakt negativ në buxhet, kryesisht në fushën e tatim taksave, në vlerën 200 milion lekë./CityNews

 





Lajmet e fundit nga