E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Trafikimi i të miturve shqiptarë në Itali/Tjetër medalje turpi për Rilindjen

12 Gusht 2017, 09:53, Aktualitet CNA

Gazetat, agjensitë e lajmeve dhe portalet e ndryshme në të katër anët e Europës madje edhe në Amerikë e Kanada vazhdimisht trajtojnë me shqetësim problematikën e klandestinëve dhe azilkërkuesve shqiptarë.

Në Itali ky problem ka një dimension të ri, atë të trafikimit të të miturve shqiptarë. Sipas të dhënave statistikore, deri në 31 maj 2017, në Itali të miturit shqiptarë, klandestinë të pashoqëruar nga prindërit zinin vendin e tretë me 1 662 persona gjithsej, ndërsa në vendin e parë ishin ata nga Gambia me 2221 persona dhe në të dytin egjiptianët me 2123 të mitur. Është fyese për Shqipërinë vend anëtar i NATO-s dhe aspirante për në BE të zërë vendin e tretë për klandestinë të mitur të pashoqëruar nga prindërit pas Gambias dhe Egjiptit.

Italianët shqetësohen, sepse ata besojnë se kanë të bëjnë me një trafik të mirëorganizuar të miturish. Kështu të miturit shqiptarë hynë në Itali të shoqëruar nga të afërmit, miq të tyre e me raste nga vetë prindërit dhe pasi mbërrijnë në qytetin, ku synojnë të qëndrojnë, dorëzohen në polici si të mitur, që kanë hyrë klandestinë në Itali dhe janë të pashoqëruar nga prindërit. Një trafikim i tillë bëhet me lejen dhe bashkëpunimin e prindërve të të miturve.

Sipas ligjit italian të mitur të tillë automatikisht vendosen nën mbrojtjen e shtetit, i cili u siguron sistemimin në struktura për qëndrimin e tyre (ushqim, strehim, kujdes shëndetësor) si edhe u mundëson të kryejnë ciklin e plotë të shlkollimit me shpenzimet e shtetit. Rritja eksponenciale e numrit të të tillë të miturish gjoja të braktisur nga prindërit po bëhet një barrë e rëndë për strukturat pritëse të menaxhuara nga pushteti lokal.

Kryebashkiaku i Veronës Tosi në vizitën e tij në Tiranë para pak muajsh kishte 2 shqetësime kryesore për të diskutuar me homologun e vet Veliaj dhe autoritetet e tjera shqiptare: 1-Eksportimin e plehrave urbane italiane në Shqipëri dhe 2-problemin e të miturve shqiptarë në strukturat e pritjes të menaxhuara nga bashkitë italiane përfshirë dhe Bashkinë e Veronës.

Italianët shqetësohen edhe për mundësinë që një numër i caktuar i këtyre të miturve shqiptarë të përfundojë si ?fuqi punëtore? për bandat kriminale italiane apo edhe të bjerë pre e prostitucionit të të miturve. Italianët po përpiqen të gjejnë mjetet e duhura burokratike për të luftuar një fluks të tillë të miturish shqiptarë klandestinë.

Njëra prej tyre është një sugjerim për policinë kufitare italiane, që të kthejë mbrapsh në Shqipëri cdo të mitur shqiptar, që nuk është i shoqëruar nga së paku njeri prej prindërve pavarësisht se shoferët e autobuzëve turistikë mund të kenë autorizime të noterizuara të prindërve të fëmijve për t?i shoqëruar fëmijët e tyre në Itali./Nga Gjergj Thanasi