E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Nuk raportuan për një ndërtim pa leje/ Arrestohen 2 Inspektorë, në hetim 4 policë

12 Gusht 2017, 07:20, Aktualitet CNA

Tre persona janë arrestuar ditën e sotme, dy prej tyre specialist të Inspektoriatit të Mbrojtjes së Territorit pasi akuzohen për shpërdorim detyre.

Mësohet se në pranga kanë rënë Jetnor Gjoka dhe dy specialistët Amarildo Duka dhe Elton Spahiu.

Sipas policisë 47- vjeçari Gjoka po bënte një ndërtim pa leje, ndërsa specialistët nuk raportuan.

Gjithashtu Shërbimi për Çështjet e Brendshme dhe Ankesat (SH.Ç.B.A.) ka ndërrmarë procedim disiplinor për 4 policë, pasi nuk kanë ndërhyrë.

Njoftimi i Policisë

Arrestohet: 1. Jetnor Gjoka, 47 vjeç, lindur në Fier dhe banues në Tiranë.

2. Amarildo Duka, 29 vjeç, lindur dhe banues në Tiranë. Me detyrë specialist pranë Inspektoriatit të Mbrojtjes së Territorit, Bashkia Tiranë.

3. Elton Spahiu, 35 vjeç, lindur dhe banues në Tiranë,. Me detyrë specialist pranë Inspektoriatit të Mbrojtjes së Territorit, Bashkia Tiranë.

Arrestimi i këtyre shtetasve u bë për veprat penale ?Ndërtim pa leje? dhe ?Shpërdorim detyre?, pasi më datë 11.08.2017, në vëndin e quajtur rruga. ?Xhanfize Keko?, pallati ML, shtetasi Jetnor Gjoka ka kryer ndërtim pa lejen e organeve kompetente në një sipërfaqe ndërtimi (garazhi) prej 530 m2.

Sa më sipër nga ana e Inspektorëve të Inspektoriatit të Mbrojtjes së Territorit, edhe pse morën dijeni për këtë ndërtim pa leje e kanë lejuar duke sjellë pasoja ndaj interesave të ligjshme të shtetasve (banorëve të pallatit), në kundërshtim me ligjet në fuqi.

Gjithashtu në lidhje me këtë vepër penale nga SH.Ç.B.A janë kryer veprime proçeduriale penale mbi dyshimet për implikim të punonjsëve të policisë pranë Komisariatit nr.4, Tiranë, konkretisht punonjësit e policisë me iniciale Xh.M, Y.H, F.D dhe E.H, të cilët në përmbushje të detyrave funksionale të tyre janë mjaftuar vetëm me komunikimin verbal të specialistëve të IMT.

Gjithashtu ndaj punonjësve të Policisë ka nisur dhe procedimi disiplinor nga Drejtoria e Standarteve Profesionale në Drejtorinë e Përgjithshme të Policisë së Shtetit për mos veprim./CityNews