web counter
LEXO PA REKLAMA!

SHKARKO APP

Kontenier me banane dhe 34 kg kokainë tranzit nga Durrësi në Gjeorgji

10 Gusht 2017, 22:37, Aktualitet CNA

Dogana dhe antimafia në Portin italian të Xhoja Tauros (Gioia Tauro) kontrolluan një kontejner me banane të nisur nga Puerto Bolivar në Ekuador me destinacion zyrtar Gjeorgjinë. Funksionarëve italianë u ra në sy, që ndonëse kontejneri kishte për destinacion Gjeorgjinë, do të tranzitohej nëpërmjet Portit të Durrësit. Destinacioni: Gjeorgji në brigjet e Detit të Zi dhe Durrës në Adriatik e bënin të dyshimtë kontejnerin në fjalë. Nga kontrolli fizik i kontejnerit rezultoi që në të krahas bananeve kishte edhe 34 Kg. kokainë të pastër. Kokaina ishte e ambalazhuar në 30 pako. Vlera e shitjes me pakicë e kësaj sasie kokaine shkon në 7 milion euro. Doganat italiane nuk kanë bërë të ditur emrat e kompanive pritëse të mallit në Durrës (si pikë tranzitore) dhe në Gjeorgji, në Portin Poti. Për më shumë linku: https://wwwesud.it/sequestrati-34-kg-di-cocaina-nascosta-in-un-carico-di-banane-al-porto-di-gioia-tauro-rc/

GJERGJ THANASI





Lajmet e fundit nga