web counter
LEXO PA REKLAMA!

SHKARKO APP

App Store
Google Play

E fundit!

x

Video- Tirana digjet për ujë/Veliaj tallet, shikoni çfarë bën në Sheshin Skënderbej

10 Gusht 2017, 19:49, Aktualitet CNA

Një valë të nxehti përvëlues ka përfshirë prej ditësh mbarë vendin, ku një pjesë digjet nga zjarret, e një pjesë tjetër nga mungesa e ujit të pijshëm. Pasojat e këtij të nxehti afrikan janë ndjerë së tepërmi edhe në kryeqytetin e vendit, Tiranë. Qytetarët e Tiranës janë përballur prej ditësh me një situatë të pakëndshme, e cila futi në ?luftë? dhe politikën. Bëhet fjalë për ujin e pijshëm, një problem mjaft shqetësues, sidomos në stinën e verës, ku temperaturat arrijnë në ekstrem, duke ulur së tepërmi nivelet e hidrocentraleve.

Vetëm pak ditë më parë, kryebashkiaku Erion Veliaj vendosi të rrisë çmimin e ujit të pijshëm, me pretendimin se do të mblidhte të ardhura nga qytetarët për të rregulluar sistemin e ujësjellësit në Tiranë, që pas disa vitesh të mos ndjehej më mungesa e ujit. Vendimi për rritjen e çmimit u miratua në Këshillin Bashkiak pas debateve të ashpra politike dhe një sërë kundërshtimesh nga radhët e politikanëve, të cilët e shikonin këtë si një mashtrim të Veliajt dhe përfitim nga xhepat e qytetarëve.

Videoja që CityNews iu sjell më poshtë e tregon qartë këtë, pra mënyrën se si po i zhvat kryebashkiaku Erion Veliaj qytetarët e Tiranës. Teksa pothuajse të gjithë qytetarët po ?digjen? për ujë në këtë të nxehtë ekstrem, në sheshin e ?famshëm? të Veliajt, pra në Sheshin Skënderbej, gëlon uji pa të keq. Videoja është publikuar nga avokati Altin Goxhaj dhe është bërë në orët e vota të pasdites së sotme.

Të gjithë mund të shikojnë qartë se si Veliaj shkarkon tubin e ujit të pijshëm në shesh, aty ku vetëm një ditë pas inaugurimit, fëmijët romë ?pushtuan? të gjitha hapësirat, duke bërë ?plazh?, pamje të cilat tërhoqën vëmendje ndërkombëtare. Tashmë, Veliaj çon në sheshin e tij ujin e pijshëm të qytetarëve, për të freskuar betonin, për të cilin duket se shqetësohet më shumë se për jetën e vet njerëzve.

?Fshati digjet, ku*va krihet?, thotë populli, e në rastin konkret do t?i shkonte mjaft për shtat kryebashkiakut tonë që krihet, teksa Tirana digjet!/CityNews





Lajmet e fundit nga