web counter
LEXO PA REKLAMA!

SHKARKO APP

Foto Ekskluzive- Trafiku "çmend" pushuesit/4 km radhë nga Gjiri i Lalzit drejt Tiranës

11 Gusht 2017, 16:26, Aktualitet CNA

Një situatë kaotike është krijuar në orët e pasdites së sotme në rrugët që lidhin zonat e plazhit me kryeqytetin shqiptar. Burime raportuan për CityNews se është krijuar një trafik tepër i rënduar në rrugën nga Gjiri i Lalzit drejt Tiranës.

Po të njëjtat burime i thanë CityNews se është krijuar një radhë rreth 4 kilometra, duke bërë që pushuesit që po kthehen nga plazhi të presin me orë të tëra në rrugë. Radha kilometrike është krijuar nga nënkalimi i Maminasit, aty ku ndahet dhe rruga Tiranë-Durrës. Karvani i mjeteve që kanë ndaluar në rrugë është rreth 4 km, ndërsa në anën tjetër mjetet lëvizin shumë ngadalë.

Një situatë e tillë alarmante krijohet çdo fundjavë në rrugët që të çojnë drejt zonave bregdetare, ku qytetarë të shumtë nga vendi, por edhe të huaj, ju drejtohen plazheve, për shkak të temperaturave ekstreme, që kanë ?pushtuar? vendin këtë sezion veror./CityNews





Lajmet e fundit nga