E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

"Zgjohet" Lulzim Basha/Flet "i nxirë" për drogën pas heshtjes 3-mujore

11 Gusht 2017, 15:58, Aktualitet CNA

Kreu i Partisë Demokratike, Lulzim Basha, është ?zgjuar? sot nga gjumi i gjatë i këtyre muajve, duke u kujtuar për drogën e madhe që ka ?pushtuar? vendin. U bënë gati 3 muaj, që pas mbrëmjes së 18 majit kur Lulzim Basha u mbyll për orë të tëra në një dhomë me Edi Ramën dhe arriti marrëveshjen për t?u futur në zgjedhje, që nuk dëgjohet zëri i kreut democrat për drogën.

Marrëveshja i mbylli totalisht gojën Lulzim Bashës, i cili harroi kauzat e forta të 3 muajve qëndrim në çadrën e protestës dhe u paraqit para qytetarëve shqiptarë gjatë muajit të fushatës zgjedhore si një kryetar i gënjeshtërt. Më shumë se për partinë e tij që përfaqësonte dhe drejtonte, Basha dukej si një mbështetës i Edi Ramës dhe që bënte fushatë për të. Ai nuk tha as edhe një fjalë të vetme kundër kryeministrit, harroi të gjitha akuzat e forta që kishte hedhur ndaj tij gjatë protestës së gjatë.

Lulzim Basha nuk u dëgjua qoftë edhe për një çast të vetëm të fliste për drogën, krimin, oligarkët, pas së cilave deri para 18 majit fshihej vetëm Edi Rama. Mjaftoi një ?përqafim? i fshehtë me Ramën dhe kryetari i ?famshëm? i PD harroi gjithçka, edhe kauzat e tij, deri mbase edhe veten e tij. Ai harroi drogën, një ndër plagët më të mëdha të shqiptarëve, dhe për këtë mori dhe çmimin e merituar në zgjedhjet e 25 qershorit.

Basha pësoi humbjen më të thellë në zgjedhjet parlamentare, më katastrofiken që kishte njohur PD ndonjëherë, dhe nuk u mjaftua as me kaq. Kreu demokrat manipuloi zgjedhjet e 22 korrikut që u zhvilluan në PD për kreun e ri, duke i vjedhur votat dhe kundërshtarit të vetëm, që e futi vetë në garë, Eduard Selamit.

Pas humbejs së turpshme të 25 qershorit dhe fitores së turpshme dhe të pamerituar të 22 korrikut, sot Lulzim Basha zgjohet dhe i rikthehet kauzës së tij nga plazhet ekzotike, ku është fshehur dhe po kalon pushimet i qetë, pa u shqetësuar as për partinë e tij që ndodhet në ditët më të zeza, e as për shqiptarët që po digjen në këtë të nxehtë përvëlues.

Lulzim Basha mund të cilësohet si një rast tepër i veçantë, pasi iu rikthehet çështjeve dhe kauzave të tij, kur i do qejfi. Ai në fakt nuk është njeriu i parë që foli për drogën dhe e denoncoi këtë problem. I pari ishte ish-kryeministri Sali Berisha dhe pas tij shumë politikanë të tjerë, për t?u ndjekur nga Basha, zëri i të cilit ishte i fundit.

Pasi tradhtoi çadrën dhe demokratët, ai harroi dhe kauzat e tij, më e madhja ndër të cilat ishte kjo e drogës, së cilës i rikthehet sot. Në rrjetet sociale, Basha shkruan sot për drogën, për situatën dramatike të krijuar në Shqipëri. Ai rikthen kokën sërish nga njerëzit, të cilët sipas tij, janë të vetmit që mund të shpëtojnë vendin nga kjo situatë alarmante. Në fakt, Basha sot duhet t?iu kërkojë minimalisht ndjesë qytetarëve, se i gënjeu për 3 muaj në çadër dhe një shtrëngim duarsh me Ramën e bëri t?i hedhë ata pas e të harrojë premtimet.

Gjatë fushatës elektorale, Lulzim Basha fliste i nxirë vetëm në fytyrë, pasi e dinte që e priste një humbje e thellë, por sot nga plazhet ekzotike, ku pushojnë miliarderët, ai iu flet qytetarëve për drogën i nxirë edhe në trup.

Ja pra kush flet sot për drogën, oligarku Lulzim Basha, që për interesat e tij harron çdo gjë dhe pastaj iu rikthehet, me shpresën se qytetarët do ta besojnë sërish, por kjo vështirë të ndodhë tashmë./CityNews